༢༠༡༢ ཟླ་ ༡༠ ཚེས་ ༥ རེས་གཟའ་པ་སངས།
༄༅། འདི་གར་ཕྱི་ལོ་ ༢༠༡༢ ཟླ་ ༡༠ ཚེས་ ༥ ཉིན་ཆེས་མཐོའི་ཁྲིམས་ཞིབ་ཁང་ནས་བཏང་གནས་ནང་འཁོད་དོན། བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་ནས་ཕྱི་ལོ་ ༢༠༡༢ ཟླ་ ༨ ཚེས་ ༣༠ དང་ ༣༡ སོ་སོར་བོད་ཨིན་སྐད་ཡིག་གཉིས་ཐོག་འབྲི་རྒྱུགས་དང་ངག་རྒྱུགས་ཀྱི་ལམ་ནས་ཁྱབ་ཁོངས་ས་གནས་ཁྲིམས་ཞིབ་ཁང་ཁག་གི་ཁྲིམས་དྲུང་ས་མིག་ཏུ་ཐད་བསྐོས་ལས་བྱེད་གསར་འདེམས་གནང་ཡོད་པ་དང། འཚང་རྒྱུགས་སུ་ཞུགས་མཁན་ཁོངས་ནས་རྒྱུགས་འབྲས་རྩེ་ཕུད་བཞི་དྲུང་གཞོན་གནས་རིམ་ཐོག་བསྐོ་གཞག་གིས། བསྟན་འཛིན་ནོར་ལྡན་ལགས་ཕྱི་ལོ་ ༢༠༡༢ ཟླ་ ༡༠ ཚེས་ ༡༥ ཉིན་ནས་བཟུང་ཟླ་དྲུག་རིང་ཚོད་ལྟའི་དྲུང་གཞོན་གནས་རིམ་ཐོག་སྦེལ་ཀོབ་ལུགས་བསམ་གཞིས་ཆགས་སུ་རྟེན་གཞི་བྱས་པའི་ལྷོ་ཕྱོགས་བོད་མིའི་ས་གནས་ཁྲིམས་ཞིབ་ཁང་གི་ཁྲིམས་དྲུང་དང་། ལྷག་པ་སྒྲོལ་མ་ལགས་ཕྱི་ལོ་ ༢༠༡༢ ཟླ་ ༡༠ ཚེས་ ༡༦ ཉིན་ནས་བཟུང་ཟླ་དྲུག་རིང་ཚོད་ལྟའི་དྲུང་གཞོན་གནས་རིམ་ཐོག་བདེ་སྐྱིད་གླིང་གཞིས་ཆགས་སུ་རྟེན་གཞི་བྱས་པའི་བྱང་ཕྱོགས་བོད་མིའི་ས་གནས་ཁྲིམས་ཞིབ་ཁང་གི་ཁྲིམས་དྲུང་རྡོ་རྗེ་ཆོས་གྲགས་ལགས་ཕྱི་ལོ་ ༢༠༡༢ ཟླ་ ༡༠ ཚེས་ ༡༧ ཉིན་ནས་བཟུང་ཟླ་དྲུག་རིང་ཚོད་ལྟའི་དྲུང་གཞོན་གནས་རིམ་ཐོག་ལྕོག་ལམ་སར་བསོད་ནམས་གླིང་གཞིས་ཆགས་སུ་རྟེན་གཞི་བྱས་པའི་ལ་དྭགས་བོད་མིའི་ས་གནས་ཁྲིམས་ཞིབ་ཁང་གི་ཁྲིམས་དྲུང་དང་རྩིས་པ་གཅིག་ལྕོགས་ཀུན་དགའ་ཆོས་སྒྲོན་ལགས་ཕྱི་ལོ་ ༢༠༡༢ ཟླ་ ༡༡ ཚེས་ ༡ ཉིན་ནས་བཟུང་ཟླ་དྲུག་རིང་ཚོད་ལྟའི་དྲུང་གཞོན་གནས་རིམ་ཐོག་ར་ཝང་ལ་ཀུན་ཕན་གླིང་གཞིས་ཆགས་སུ་རྟེན་གཞི་བྱས་པའི་ཤར་ཕྱོགས་བོད་མིའི་ས་གནས་ཁྲིམས་ཞིབ་ཁང་གི་ཁྲིམས་དྲུང་དང་རྩིས་པ་གཅིག་ལྕོགས་བཅས་སུ་ལས་འགན་བཀོད་སྒྲིག་གནང་ཡོད་པ་བཅས། ཆེས་མཐོའི་ཁྲིམས་ཞིབ་ཁང་ནས་ཕྱི་ལོ་ ༢༠༡༢ ཟླ་ ༡༠ ཚེས་ ༥ ལ།།
