༄༅། །མཁྱེན་ལྡན་བོད་མི་སེར་སྐྱ་ཕོ་མོ་ཡོངས་ཀྱི་སྙན་ལམ་དུ། ད་ལམ་རྒྱ་གར་དབུས་གཞུང་ནས་གསར་འགྱུར་བརྒྱུད་ལམ་ཁག་དང་གཞུང་འབྲེལ་གསལ་བསྒྲགས་བཅས་ཕེབས་གསལ་ལྟར་ངོ་སྤྲོད་ཕྱག་ཁྱེར་སེར་པོའི་ (Identify Certificate) (IC) གླ་ཡོན་སྤར་ཆ་གནང་སོང་བ་དང་དེ་མཚུངས་ལྡི་ལི་དོན་གཅོད་ཁང་གི་གནས་འབྲེལ་དང་འཁོར་གླ། སྣག་ཤོག་དང་པར་བཤུས་སོགས་ཀྱི་འགྲོ་གྲོན་ཉིན་རེ་བཞིན་འཕར་ཆ་ཡོང་བཞིན་པར་དུས་མཚུངས་སྤར་ཆ་ཞུས་པ་གཤམ་གསལ།

ཕྱི་ལོ་ ༢༠༡༢ ཟླ་ ༨ ཚེས་ ༡༥ ཉིན་ནས་ངོ་སྤྲོད་ཕྱག་ཁྱེར་སེར་པོའི་ (IC) གླ་ཡོན་འབུལ་དགོས་པའི་ལས་དོན་འབྲེལ་ཆགས་ལྡི་ལི་དོན་གཅོད་ཁང་ལ་འབུལ་མཁན་ཡོངས་ལ་གོང་གི་གླ་ཡོན་འཕར་རྩ་འཛིན་ཞུ་རྒྱུ་དང། གླ་ཡོན་འབུལ་བབ་སྤྲད་བསྡད་ལྷག་ལུས་ཇི་ཡོད་ངོ་སྤྲོད་ཕྱག་ཁྱེར་སེར་པོ་ (IC) དོ་བདག་ནས་རྩིས་ལེན་མ་ཞུས་སྔོན་ལྡི་ལི་དོན་གཅོད་ཁང་ལ་རྩིས་གཙང་བཟོ་གནང་དགོས་རྒྱུ་ཐུགས་འཇགས་ཡོང་བ་ཞུ་བཅས་ལྡི་ལི་དོན་གཅོད་ཁང་ནས་ཡོངས་ཁྱབ་གསལ་བསྒྲགས་སུ་ཕྱི་ལོ་ ༢༠༡༢ ཟླ་ ༡༠ ཚེས་ ༥ ཉིན། །