༢༠༡༢ ཟླ་ ༩་ཚེས་ ༢༢ རེས་གཟའ་སྤེན་པ།
༄༅། །ཕྱི་ལོ་ ༢༠༡༢ ཟླ་ ༩ ཚེས་ ༢༢ རེས་གཟའ་སྤེན་པའི་ཉིན་སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཞི་པ་རྒྱལ་ཁའི་ངང་གྲོལ་ཡོད། གྲོས་ཚོགས་ཚོགས་དུས་བཞི་པ་དེ་བཞིན་ཕྱི་ཟླ་ ༩ ཚེས་ ༡༤ ཉིན་དབུ་འཛུགས་ཀྱིས་ཉིན་གྲངས་བརྒྱད་རིང་ཚོགས་ཡོད། ཐེངས་འདིའི་གྲོས་ཚོགས་སྐབས་ལས་དོན་གཙོ་བོ་བོད་མིའི་སྒྲིག་འཛུགས་ལས་ཁུངས་ཁག་གི་ཕྱི་ལོ་ ༢༠༡༡།༢༠༡༢ ལོའི་ལོ་འཁོར་ལས་བསྡོམས་ཐོག་བགྲོ་གླེང་དང་འཛིན་སྐྱོང་བཀའ་ཤག་དང་ལས་ཁུངས་སོ་སོའི་བཀའ་བློན་རྣམ་ནས་གསལ་བཤད། དེ་བཞིན་བཅའ་ཁྲིམས་དང་ཁྲིམས་སྒྲིག་ལ་སྐྱར་བཅོས་སོགས་ལས་དོན་ལེགས་གྲུབ་བྱུང་ཡོད། སྤྱིར་ལོ་ལྟར་ཕྱི་ཟླ་ ༩ གྲོས་ཚོགས་སྐབས་ཀྱི་ལས་དོན་གཙོ་བོ་བོད་མིའི་སྒྲིག་འཛུགས་ལས་ཁུངས་ཁག་གི་ལོ་ཁོར་ལས་བསྡོམས་ཐོག་བགྲོ་གླེང་གནང་བཞིན་ཡོད་པ་བཅས།།