༢༠༡༢ ཟླ་ ༩ ཚེས་ ༧ རེས་གཟའ་པ་སངས།
༄༅། །འགྲོ་བ་མིའི་ཐོབ་ཐང་ཚོགས་པ་ཁག་གིས་ཡུ་རོབ་མཉམ་འབྲེལ་སྒྲིག་འཛུགས་ཀྱི་འགྲོ་བ་མིའི་ཐོབ་ཐང་གི་དམིགས་བསལ་སྐུ་ཚབ་གསར་པར་རིང་མིན་ཡུ་རོབ་མཉམ་འབྲེལ་སྒྲིག་འཛུགས་དང་རྒྱ་ནག་དབར་ཆེས་མཐོའི་ལྷན་ཚོགས་སྐབས་རྒྱ་ནག་གི་སྲིད་བློན་གྱིས་གཙོས་དཔོན་རིགས་དང་ལྷན་བོད་དོན་སྐོར་གླེང་སློང་གནང་དགོས་པའི་འབོད་སྐུལ་ཞུས་འདུག
དེ་ཡང་གསར་འགྱུར་བརྒྱུད་ལམ་ཁག་ནང་གནས་ཚུལ་ཐོན་གསལ་ལྟར་ན། རྒྱལ་སྤྱིའི་བོད་དོན་རྒྱབ་སྐྱོར་ཚོགས་པས་ཡུ་རོབ་མཉམ་འབྲེལ་སྒྲིག་འཛུགས་ཀྱི་སྐུ་ཚབ་གསར་པར་འཚམས་འདྲི་ཞུས་པ་དང་ཆབས་ཅིག་སྙན་ཞུ་ཞིག་ཕུལ་ཡོད་པའི་ནང་། སྐུ་ཉིད་མཆོག་གིས་བོད་དོན་ཐོག་དམིགས་བསལ་དོ་ཁུར་བཞེས་ཏེ་བོད་ཕྱི་ནང་གཉིས་སུ་ཡོད་པའི་བོད་མིའི་མངོན་འདོད་སྒྲུབ་ཐབས་སུ་རྒྱབ་སྐྱོར་གནང་སྐྱོང་ཡོང་བ་དང་། ཡུ་རོབ་མཉམ་འབྲེལ་སྒྲིག་འཛུགས་ཀྱིས་བོད་དོན་ཐོག་འཛིན་པའི་ལངས་ཕྱོགས་བྱེད་ཤུགས་ཆེ་རུ་གཏོང་གནང་དགོས། ཞེས་སོགས་འཁོད་ཡོད།
དེ་བཞིན་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པས་སྐུ་ཚབ་མཆོག་ལ་རིང་མིན་ཡུ་རོབ་མཉམ་འབྲེལ་སྒྲིག་འཛུགས་དང་རྒྱ་ནག་གཞུང་དབར་ཆེས་མཐོའི་ལྷན་ཚོགས་སྐབས་སྐུ་ཉིད་མཆོག་གིས་རྒྱ་གཞུང་གི་སྲིད་བློན་དང་། དཔོན་རིགས་ཚོར་གསུང་མོལ་གནང་སྐབས་བོད་ནང་གི་བོད་མིས་རང་ལུས་མེར་སྲེག་བཏང་དང་གཏོང་མུས་ཀྱི་གནད་དོན་སྤྱི་དང་། ཡང་སྒོས་བོད་ནང་གི་འགྲོ་བ་མིའི་ཐོབ་ཐང་གི་གནད་དོན་ཇེ་ཞན་ཇེ་སྡུག་ཏུ་འགྲོ་གི་ཡོད་པའི་གནས་སྟངས་ཐོག་ཐུགས་འཚབ་ཡོད་པའི་རྣམ་པ་གསལ་སྟོན་གནང་དགོས་པའི་འབོད་སྐུལ་ཞུས་འདུག་པ་བཅས། །
རྒྱ་ནག་གི་དཔོན་རིགས་དང་ལྷན་བོད་དོན་སྐོར་གླེང་སློང་གནང་དགོས་པའི་འབོད་སྐུལ་ཞུས་པ།
གསར་གནས།
འབྲེལ་གནས།
