༢༠༡༢ ཟླ་ ༨ ཚེས་ ༢༧ རེས་གཟའ་ཟླ་བ།
༄༅། །བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་ལགས་དང་ཀ་ཉག་ཚེ་རིང་ལགས་གཉིས་ཀྱིས་ཕྱི་ལོ་ ༢༠༡༢ ཟླ་ ༨ ཚེས་ ༢༥ ཉིན་བཏང་གནས་ནང་འཁོད་དོན། འདི་ལོའི་ཕྱི་ཟླ་ ༣ ཡས་མས་སུ་བལ་བོད་ས་མཚམས་འགྲམ་ནས་འཛིན་བཟུང་བྱས་ཤིང་གཞིས་ཀ་རྩེ་ནས་ཟླ་བ་ ༤ ལྷག་རིང་བཀག་ཉར་བྱས་པའི་ཨ་མདོ་རྔ་པའི་ཚོང་པ་རང་ལོ་ ༥༠ ཙམ་ཡིན་པ་ཨ་དཀར་ལགས་ཁོང་དང་། དེ་མིན་ཀོང་པོ་ནས་ཡིན་པའི་ཚེ་རིང་རྡོ་རྗེ་ལགས། རང་ལོ་ ༢༢ ། ཆབ་མདོ་དཔའ་ཤོད་ནས་ཡིན་པའི་དཀོན་མཆོག་ཆོས་འཕེལ། རང་ལོ་ ༢༧ ། འཇོ་མདའ་ནས་ཡིན་པའི་བསོད་ནམས་བདེ་མཚོ། རང་ལོ་༢༤ ། མགོ་ལོག་ནས་ཡིན་པའི་ཆོས་སྟོབས། རང་ལོ་༣༣ ཡིན་པ་བཅས་སྔ་ཕྱིར་ལྷ་རྩེ་དང་ཏེན་རི་སོགས་ནས་རྒྱ་གཞུང་གི་ཉེན་རྟོག་པས་འཛིན་བཟུང་བྱས་ཤིང་ཡུན་རིང་གཞིས་ཀ་རྩེ་ནས་བཀག་ཉར་བྱས་མཐར། འདི་ཟླའི་ཚེས་༢༣ ཉིན་ཁོང་རྣམས་བལ་བོད་ས་མཚམས་འགྲམ་གྱི་ཟམ་པ་བརྒྱུད་བལ་ཡུལ་ཉེན་རྟོག་པར་རྩིས་སྤྲོད་བྱས་འདུག་ལ། ཕྱི་ཚེས་༢༤ ཉིན་བལ་ཡུལ་རྒྱལ་ས་ཀ་ཐ་མན་གྲུའི་ཕྱི་མི་ཞིབ་བཤེར་ལས་ཁུངས་སུ་འབྱོར་ནས་དེ་གར་བཀག་ཉར་བྱས་ཡོད་འདུག་ཀྱང་། ཁོང་རྣམས་ཀྱི་ཞིབ་ཕྲའི་གནས་ཚུལ་ཤེས་རྟོགས་མ་བྱུང་བ་བཅས།།
རྒྱ་ནག་གཞུང་གིས་བོད་མི་ཚོང་པ་ཁག་གཅིག་འཛིན་བཟུང་བྱས་པ།
གསར་གནས།
འབྲེལ་གནས།
