༢༠༡༢ ཟླ་ ༧ ཚེས་ ༣༠ རེས་གཟའ་ཟླ་བ།

༄༅། །ཕྱི་ལོ་ ༢༠༡༢ ཕྱི་ཟླ་ ༧ ཚེས་ ༣༠ ཉིན་སྤེལ་བའི་བསྒྲགས་གཏམ་ནང་འཁོད་དོན།
བོད་ནང་གི་ད་ལྟའི་ཛ་དྲག་གནས་བབ་སྤྱི་དང༌། ལྷག་པར་རང་ལུས་མེར་སྲེག་གི་ལས་འགུལ་ལ་གདུང་སེམས་མཉམ་བསྐྱེད་དང་སྐྱིད་སྡུག་མཉམ་མྱོང་ཞུ་ཆེད་ཕྱི་ལོ་ ༢༠༡༢ ཟླ་ ༨ ཚེས་ ༨ རེས་གཟའ་ལྷག་པའི་ཉིན་དཔལ་ལྡན་བཀའ་བློན་ཁྲི་པ་མཆོག་ནས་བཀའ་བློན་ཁྲི་པའི་མཛད་ཁུར་གྱི་དམ་འབུལ་ཞུས་ཏེ་ལོ་གཅིག་འཁོར་བའི་དུས་ཚིགས་འཁེལ་བ་དང་སྟབས་བསྟུན། བོད་མི་དང་བོད་དོན་རྒྱབ་སྐྱོར་བ་ཚོས་འཛམ་གླིང་ཡོངས་སུ་ཉིན་བརྒྱ་དུས་གཅིག་ཏུ་བོད་དོན་ལས་འགུལ་དང་མཆོད་འབུལ་སྨོན་ལམ་གནང་རྒྱུ་ལྟར། དེ་ཉིན་བོད་མི་རྣམས་ནས་རང་ལུགས་ཀྱི་ན་བཟའ་བཞེས་ཏེ་མྱ་ངན་གུས་འདུད་མཚོན་ཆེད་བདེན་ཚིག་སྨོན་ལམ་གྱིས་མཚོན་སྨོན་ལམ་གསུང་འདོན་གནང་དགོས་དང༌། ས་གནས་སོ་སོའི་གནས་བབ་ལ་གཞིགས་པའི་ལས་འགུལ་ཇི་འགབ་སྤེལ་གནང་དགོས་པའི་འབོད་སྐུལ་མ་གོ་མ་ཐོས་པ་ས་གནས་འགོ་འཛིན་ཁག་དང་སྐུ་ཚབ་དོན་གཅོད་ཁག་ལ་འཕྲལ་དུ་ཁྱབ་ཁོངས་ནས་དམ་དོན་ཡོང་བ་དེ་དོན་དགོངས་འཇགས་ཞུ།།