༢༠༡༢ ཟླ་ ༧ ཚེས་ ༢༥ རེས་གཟའ་ལྷག་པ།
༄༅། །བཀའ་བློན་ཁྲི་པ་བློ་བཟང་སེང་གེ་མཆོག་གིས་ཕྱི་ལོ་ ༢༠༡༢ ཟླ་ ༧ ཚེས་ ༢༨ ནས་ཟླ་ ༨ ཚེས་ ༥ བར་རྒྱ་གར་ལྷོ་ཕྱོགས་སྦེང་ལོར་དང་ཧུན་སུར་རབ་རྒྱས་གླིང། སྦེལ་ཀོབ་ལུགས་བདེ་གཉིས། མོན་གྷོ་འདོད་རྒུ་གླིང་བཅས་བོད་མིའི་གཞིས་ཆགས་ཁག་ཅིག་ཏུ་གཞུང་འབྲེལ་ཕྱོགས་ཕེབས་གནང་རྒྱུ་ཡིན་འདུག དེ་ཡང་བཀའ་ཁྲི་མཆོག་ཕྱི་ཟླ་ ༧ ཚེས་ ༢༨ ཉིན་རྡ་ས་ནས་ཐོག་མར་ས་ཐོག་བརྒྱུད་ཇམ་མུར་ཕེབས་འབྱོར་གནང་རྒྱུ་དང་། དེ་ནས་ལྡི་ལི་བརྒྱུད་སྦེང་ལོར་ཕེབས་རྒྱུ་ཡིན་འདུག དེ་རྗེས་རིམ་བཞིན་གོང་བརྗོད་རྒྱ་གར་ལྷོ་ཕྱོགས་བོད་མིའི་གཞིས་ཆགས་རྣམས་སུ་གཞུང་འབྲེལ་ལས་དོན་རྣམས་ཡོངས་སུ་ལེགས་པར་གྲུབ་བསྟུན། ཕྱི་ཟླ་ ༨ ཚེས་ ༥ ཉིན་ལྡི་ལི་ནས་ཇམ་མུར་ཕེབས་འབྱོར་གྱིས་ཁུལ་དེ་ནས་དེ་ཉིན་རྡ་སར་ཕེབས་འབྱོར་གནང་རྒྱུ་ཡིན་འདུག་པ་བཅས།།