༢༠༡༢ ཟླ་ ༦ ཚེས་ ༡༥ རེས་གཟའ་པ་སངས།
པར་ལེན་དུས་བབ།
༄༅། །ཕྱི་ལོ་ ༢༠༡༢ ཟླ་ ༦ ཚེས་ ༡༥ ཉིན་བོད་མདོ་སྨད་མ་ལྷོ་ཁུལ་གཅན་ཚ་རྫོང་ཐོག་ཏུ་བོད་ནང་གི་སྔ་དྲོ་ཆུ་ཚོད་ ༦།༣༠ ཡས་མས་ཙམ་ལ་མདོ་སྨད་གཅན་ཚ་རྫོང་གཅན་ཚ་ཐང་ཞང་ལོ་བ་སྡེ་བ་ནས་ཡིན་པ་རང་ལོ་ ༦༤ ཡིན་པ་བོད་མི་རྟ་མགྲིན་ཐར་ཞུ་བ་ཞིག་གིས་གཅན་ཚ་རྫོང་དྲག་ཆས་ཉེན་རྟོག་ལས་ཁུངས་ཀྱི་སྒོ་འགྲམ་དུ་རང་ལུས་མེར་སྲེག་བཏང་སྟེ་རྒྱ་ནག་གཞུང་ལ་ཞི་རྒོལ་བྱས་འདུག
པར་ལེན་དུས་བབ།
མེར་སྲེག་བཏང་སྟེ་ཅུང་མ་འགོར་བར་ས་གནས་རྒྱ་མིའི་ཉེན་རྟོག་མི་སྣས་མེ་བསད་དེ་བཙན་འཁྱེར་བྱས་འདུག དེ་རིང་སྔ་དྲོ་ས་གནས་མང་ཚོགས་ཀྱིས་རྟ་མགྲིན་ཐར་ཕྱིར་རྩིས་སྤྲོད་བྱེད་དགོས་པའི་རེ་འདུན་བཏོན་སྟེ་ངོ་རྒོལ་བྱས་སྟབས།
ས་གནས་ཉེན་རྟོག་པས་དེ་རིང་སྔ་དྲོའི་ཆུ་ཚོད་ ༡༡ སྟེང་ཁོང་ཕྱིར་ནང་མིར་རྩིས་སྤྲོད་བྱ་རྒྱུ་ཡིན་ཚུལ་བརྗོད་ཡོད་ཀྱང་།
པར་ལེན་དུས་བབ།
སྐབས་དོན་ཁོང་གྲོངས་ཡོད་མེད་ཀྱི་ཞིབ་ཕྲའི་གནས་ཚུལ་ཤེས་རྟོགས་ཐུབ་མེད་ཀྱང་།
པར་ལེན་དུས་བབ།
པར་ལེན་དུས་བབ།
ཉིན་གུང་ཙམ་ལ་ཁོང་འདས་གྲོངས་སུ་གྱུར་ཡོད་པ་དང་སྐུ་ཕུང་ནང་མིར་རྩིས་སྤྲོད་བྱས་ཏེ་ནང་མི་དང་སྡེ་བའི་མི་མང་རྣམས་ཀྱིས་སྐུ་ཕུང་ལོ་བ་སྡེ་བའི་རང་ཁྱིམ་དུ་གདན་འདྲེན་ཞུས་ཏེ་ས་གནས་དགེ་འདུན་པ་དང་མང་ཚོགས་སྟོང་ཕྲག་མང་པོས་སྐུ་ཕུང་སྐུ་ཕུང་ལ་མཇལ་དར་བསྒྲོན་ཏེ་གདུང་སེམས་མཉམ་སྐྱེ་དང་ནང་མིར་སེམས་བསོ་གནང་འདུག སྐུ་ཕུང་ཞུགས་འབུལ་དེ་རིང་ཕྱི་དྲོ་གཅན་ཚ་རྫོང་ཐོག་ཏུ་གནང་རྒྱུ་རེད་འདུག
ད་ལྟའི་ཆར་རྒྱ་ནག་གཞུང་གིས་མདོ་སྨད་རྨ་ལྷོ་ཁུལ་གཅན་ཚ་རྫོང་ཐོག་ཏུ་དམག་མི་འགྲེམས་འཇོག་གིས་ས་གནས་མི་མང་ལ་དམ་བསྒྲགས་ཤུགས་ཆེ་བྱེད་བཞིན་ཡོད་འདུག་པ་བཅས།།
