༢༠༡༢ ཟླ་ ༦ ཚེས་ ༡༣ རེས་གཟའ་ལྷག་པ།

༄༅། །ཕྱི་ལོ་ ༢༠༡༢ ཟླ་ ༦ ཚེས་ ༡༣ རེས་གཟའ་ལྷག་པའི་ཉིན་གུང་ཆུ་ཚོད་ ༡༢ ཙམ་ལ་༸གོང་ས་༸སྐྱབས་མགོན་ཆེན་པོ་མཆོག་བཞུགས་སྒར་ཕོ་བྲང་ནས་ཐོག་མར་དབྱིན་ཡུལ་དུ་ཆིབས་སྒྱུར་བསྐྱངས་ཡོད། དེ་ཡང་༸གོང་ས་མཆོག་གིས་ཕྱི་ཚེས་ ༡༤ ཉིན་ཁུལ་དེར་༸ཞབས་སོར་འཁོད་དེ་གྲོང་ཁྱེར་མན་ཆེ་སི་ཊར་ཁུལ་དུ་ཕྱི་ཚེས་ ༡༥ ཉིན་གསར་འགོད་པ་ཚོར་བཀའ་སློབ་མཛད་རྒྱུ་དང། ཁུལ་དེའི་ཚོང་ལས་སྡེ་ཚོགས་ (Yorkshire International Business Convention) ཀྱི་ཚོགས་མི་རྣམས་ལ་ཚོང་ལས་ནང་བཟང་སྤྱོད་ཉམས་ལེན་བྱེད་ཚུལ། ཞེས་པའི་བརྗོད་གཞིའི་ཐོག་བཀའ་སློབ་སྩལ་གནང་མཛད་རྒྱུ་མ་ཟད། གཞོན་སྐྱེས་དང་ཆོས་ལུགས་དབུ་ཁྲིད། དེ་བཞིན་ཆབ་སྲིད་མི་སྣ་དང་གྲོས་ཚོགས་འཐུས་མི་མཇལ་འཕྲད་སོགས་ཀྱི་མཛད་འཕྲིན་ལེགས་པར་བསྐྱང་སྟེ་ཨི་ཊ་ལིར་ཆིབས་ཞལ་བསྒྱུར་རྒྱུ་ཡིན་འདུག་པ་བཅས།།