༢༠༡༢ ཟླ་ ༦ ཚེས་ ༡ རེས་གཟའ་པ་སངས།
༄༅། །ཕྱི་ལོ་ ༢༠༡༢ ཟླ་ ༦ ཚེས་ ༢ ཉིན་ཆོས་རིག་བཀའ་བློན་པདྨ་ཆོས་འབྱོར་མཆོག་ལྷོ་གཞིས་ཁག་ལ་གཞུང་འབྲེལ་འཚམས་གཟིགས་ཉིན་དགུའི་རིང་གནང་གཏན་འཁེལ་འདུག
དེ་ཉིན་ཕྱི་དྲོ་བཀའ་བློན་མཆོག་རྡ་ས་ནས་སྤ་ཀོར་བར་ཕེབས་ཐོན་གྱིས་ལྡི་ལི་ཕེབས་འབྱོར་དང་། ཕྱི་ཚེས་ ༣ ཉིན་ལྡི་ལི་ནས་མཁའ་ལམ་ཐོག་སྦེང་ལོར་བརྒྱུད་ཧོན་སུར་རབ་རྒྱས་གླིང་གཞིས་ཆགས་སུ་ཕེབས་འབྱོར་གྱི་དགོན་པ་ཁག་ལ་འཚམས་གཟིགས་གནང་རྗེས་ལུགས་བསམ་དང་བདེ་སྐྱིད་སླར་གསོ་ཕེབས་ཐོན་གནང་རྒྱུ་ཡིན་འདུག ཕྱི་ཚེས་ ༤ དང་ ༥ ཉིན་ལུགས་བསམ་དང་བདེ་སྐྱིད་སླར་གསོ་འཚམས་གཟིགས་གནང་རྗེས་ཕྱི་ཚེས་ ༦ ཉིན་མོན་གྷོ་འདོད་རྒུ་གླིང་གཞིས་ཆགས་སུ་ཕེབས་ཐོན་གྱིས་ཚེས་ ༧ དང་ ༨ ཉིན་ས་གནས་སུ་འཚམས་གཟིགས་གནང་རྒྱུ་ཡིན་འདུག
དེ་བཞིན་ཕྱི་དྲོ་མོན་གྷོ་ནས་ཧུབ་ལི་ནས་སྦེང་ལོར་དུ་ཕེབས་ཐོན་གནང་རྒྱུ་དང་། ཕྱི་ཚེས་ ༩ ཉིན་སྦེང་ལོར་ནས་ལྡི་ལིར་ཕེབས་འབྱོར་གནང་རྒྱུ་ཡིན་འདུག་པ་བཅས། །
