༢༠༡༡ ཟླ་ ༤ ཚེས་ ༢༧ རེས་གཟའ་པ་སངས།
༄༅། །ཕྱི་ལོ་ ༢༠༡༢ ཟླ་ ༤ ཚེས་ ༢༦ ཉིན་ཧི་མཱ་ཅལ་མངའ་སྡེས་དཔལ་རྒྱལ་བ་ཀརྨ་པ་མཆོག་ལ་ཁྲིམས་འགལ་གྱི་ནག་ཉེས་མེད་པའི་གསལ་བསྒྲགས་གནང་བར་བོད་མིའི་སྒྲིག་འཛུགས་ཀྱིས་ཐག་གཅོད་དེ་དང་འབྲེལ་ཡོད་ཀྱི་ལས་བྱེད་ཚང་མར་བསྔགས་བརྗོད་ཞུས་པ་དང་སྦྲགས། སྙིང་ཐག་པ་ནས་ཐུགས་རྗེ་ཞུ་རྒྱུ་ཡིན། བཙན་བྱོལ་བོད་མིའི་སྤྱི་ཚོགས་འདི་བཞིན་གནས་ཡུལ་རྒྱལ་ཁབ་སོ་སོའི་ཁྲིམས་དང་སྒྲིག་གཞིར་བརྩི་བཀུར་དང་ལེན་ཞུ་མཁན་ཞིག་ཆགས་ཡོད་ཀྱང་། གལ་པོ་ཆེ་ལ་ནན་ཏན་གྱི་ཚུལ་དུ་གོ་སྐབས་འདི་བརྒྱུད་སླར་ཡང་རྒྱ་གར་གནས་སྡོད་བོད་མི་ཚང་མས་སྔར་བཞིན་རྒྱ་གར་གྱི་ཡུལ་ཁྲིམས་ལ་བརྩི་བཀུར་དང་ལེན་ཞུ་རོགས་ཞེས་ནན་ཏན་གྱི་ཚུལ་དུ་འབོད་སྐུལ་ཞུ་རྒྱུ་ཡིན་ཞེས་འཁོད་ཡོད་པའི་གསར་འགོད་གསལ་བསྒྲགས་གནང་ཡོད་པ་བཅས།།