༄༅། །ཕྱི་ལོ་ ༢༠༡༢ ཟླ་ ༤ ཚེས་ ༡༩ ནས་ ༢༠ བར་ཉིན་གྲངས་གཉིས་རིང་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱིས་གོ་སྒྲིག་འོག རྡ་ས་གངས་སྐྱིད་སྤྱི་ཐབ་ཡང་སྟེང་ཚོགས་ཁང་དུ་བཀའ་བློན་ཁྲི་པ་དང་ཤེས་རིག་བཀའ་བློན་གཅིག་ལྕོགས་མཁས་དབང་བློ་བཟང་སེང་གེ་མཆོག་དབུ་བཞུགས་ཐོག་སློབ་གྲྭ་ཁག་གི་སློབ་སྤྱི་དང་རེག་ཊར། དགེ་ཆེ་བཅས་ལྷན་འཛོམ་ཐོག་ཚོགས་འདུ་ཞིག་ཚོགས་གཏན་འཁེལ་འདུག དེ་ཡང་ཕྱི་ཚེས་ ༡༩ སྔ་དྲོ་ཆུ་ཚོད་ ༩ ཐོག་ཤེས་རིག་དྲུང་ཆེ་དངོས་འགྲུབ་ཚེ་རིང་ལགས་ཀྱིས་ཚོགས་འདུ་དབུ་འཛུགས་ཀྱི་གསུང་བཤད་གྲུབ་བསྟུན། བཀའ་བློན་ཁྲི་པ་དང་ཤེས་རིག་བཀའ་བློན་གཅིག་ལྕོགས་བློ་བཟང་སེང་གེ་མཆོག་གིས་དབུ་འབྱེད་ཀྱི་གསུང་བཤད་གནང་རྒྱུ་ཡིན་འདུག ཉིན་གཉིས་ཀྱི་ཤེས་རིག་ལྷན་ཚོགས་སྐབས་དེར་བཙན་བྱོལ་བོད་མིའི་སློབ་གྲྭ་ཁག་གི་ཤེས་ཡོན་དང་འབྲེལ་བའི་བརྗོད་གཞིའི་ཐོག་བགྲོ་གླེང་གནང་རྒྱུ་ཡིན་འདུག་པ་བཅས།།
གསར་གནས།
འབྲེལ་གནས།
