༄༅། །བོད་མིའི་སྒྲིག་འཛུགས་ཀྱི་དཔལ་འབྱོར་ལས་ཁུངས་ནས་ན་གཞོན་ཚོང་ལས་ཐོག་དོན་གཉེར་ཅན་ལ་ཚོང་ལས་གཉེར་ཕྱོགས་དང་ཚོང་ལས་འཆར་འགོད་བྱ་ཕྱོགས་སོགས་ཀྱི་ཐོག་སྐུ་ཞབས་( R.C Chopra, Ex Director of Ministry of Small Scale Micro Enterprise) ནས་ཉིན་གཉིས་རིང་ཟབ་སྦྱོང་ཞིག་གནང་རྒྱུའི་ལས་རིམ་གོ་སྒྲིག་ཞུ་ཡི་ཡོད་ན། དོ་དབྱིངས་ཅན་གྱི་ཚོང་ལས་པ་མ་མཐར་འཛིན་རིམ་བཅུ་གཉིས་ཐོན་པའི་ལག་འཁྱེར་ཡོད་རིགས་འཛུལ་ཞུགས་ཆོག་པས་གཤམ་གསལ་ཁ་བྱང་སོ་སོའི་འཚང་སྙན་འབུལ་དགོས་པ་དང་། འཚང་སྙན་མཉམ་འཛིན་རིམ་བཅུ་གཉིས་སམ་དེ་ཡན་གྱི་ལག་འཁྱེར་ངོ་བཤུས་དང་དྭང་བླངས་དཔྱ་དངུལ་ལག་དེབ་ཨང་། འབྲེལ་བ་བྱ་ཡུལ་གྱི་ཁ་བྱང་། ལག་འཁྱེར་ཁ་པར་ཨང་བཅས་འབུལ་དགོས།
ཟབ་སྦྱོང་ཕྱི་ལོ་ ༢༠༡༢ ཕྱི་ཟླ་ ༦ པའི་བདུན་ཕྲག་གསུམ་པའི་ནང་ཚུགས་འཆར་ཡིན་པ་གཏན་འཁེལ་བྱུང་མཚམས་ཟབ་སྦྱོང་གི་མི་འགྲོ་སོ་སོར་གསལ་ཆ་ཡོང་རྒྱུ་དང་། ཟབ་སྦྱོང་སྐབས་ཀྱི་ལམ་གྲོན་དང་སྡོད་གནས་དོ་བདག་སོ་སོས་རྒྱགས་རང་འཁུར་བྱ་རྒྱུ།
ཕྱི་ལོ་ ༢༠༡༢། ༥། ༡༥ འགྱངས་མེད་འཚང་སྙན་འབུལ་ཟིན་པ་དགོས་རྒྱུ་དང་། དེའང་མི་གྲངས་ ༥༠ ལ་མ་གཏོགས་གོ་སྐབས་མེད་སྟབས། འཚང་སྙན་ཞུ་འབྱོར་སྔ་ཐེངས་ལྟར་གོ་སྐབས་འབུལ་རྒྱུ་ཡིན་པ་དེ་དོན་དགོངས་འཇགས་དགོས་པ་བཅས་ཀྱི་གསལ་བསྒྲགས་སུ།
དཔལ་འབྱོར་ལས་ཁུངས་ནས་ཕྱི་ལོ་ ༢༠༡༢ ཟླ་ ༣ ཚེས་ ༢༨ ལ།

Contact Address
Secretary
Department of Finance, CTA
Gangchen Kyishong Dharamsala
Distt Kangra
H.P.- 176215
Ph. No. 01892-223738/222487
Fax No.01892-222349
E- mail: [email protected]