༢༠༡༢ ཟླ་ ༤ ཚེས་ ༡༨ རེས་གཟའ་ཕུར་བུ།
༄༅། །བཀའ་ཁྲི་བློ་བཟང་སེང་གེ་མཆོག་ཕྱི་ལོ་ ༢༠༡༢ ཟླ་ ༤ ཚེས་ ༢༠ ནས་ཟླ་ ༤ ཚེས་ ༢༨ བར་ཨ་རིར་ནོ་སྦེལ་ཞི་བདེ་ཚོགས་ཆུང་གི་ཚོགས་འདུར་མཉམ་ཞུགས་དང་གནད་ཡོད་མི་སྣ་ཁག་མཇལ་འཕྲད། ཁེ་ན་ཌར་བོད་དོན་འཛམ་གླིང་གྲོས་ཚོགས་འཐུས་མིའི་ཚོགས་འདུ་ཐེངས་དྲུག་པ་དང་ལོ་འཁོར་དོན་གཅོད་ཚོགས་འདུར་གསུང་བཤད། རྒྱ་གར་ནང་སིམ་ལ་གཏན་སློབ་ལྔ་བཅུའི་དུས་དྲན་གྱི་མཇུག་བསྡོམས་མཛད་སྒོ་གཙོས་ས་གནས་མི་མང་དང་དགེ་སློབ་རྣམས་ལ་གསུང་བཤད། ཌོ་ལན་ཇི་བོན་གཞིས་སུ་འཚམས་གཟིགས་གཞུང་འབྲེལ་ཕྱོགས་ཕེབས་གནང་རྒྱུ་ཡིན་འདུག
དེ་ཡང་ཕྱི་ཚེས་ ༢༠ ཉིན་བཀའ་ཁྲི་མཆོག་རྡ་ས་ནས་ཅཀྐཱི་བྷེངྐ་བརྒྱུད་ལྡི་ལིར་ཕེབས་ཐོན་དང་། ཕྱི་ཚེས་ ༢༡ ཉིན་ལྡི་ལིར་ཕེབས་འབྱོར་གྱིས་དོན་ཁང་ནས་མཁའ་ལམ་ཐོག་ནེ་ཝཀ་རུ་ཕེབས་ཐོན་གྱིས་ཕྱི་ཚེས་ ༢༢ ཉིན་ནེ་ཝཀ་རུ་ཕེབས་འབྱོར་གནང་རྒྱུ་ཡིན་འདུག ཕྱི་ཚེས་ ༢༢ ནས་ ༢༥ བར་ས་གནས་སུ་ལས་འཆར་དང་། ཕྱི་ཚེས་ ༢༦ ཉིན་ཅི་ཀ་གྷོ་ནས་ཨོ་ཊ་བར་ཕེབས་འབྱོར་གནང་རྒྱུ། ཕྱི་ཚེས་ ༢༧ ནས་ཕྱི་ཟླ་ ༥ ཚེས་ ༡ བར་ས་གནས་སུ་ལས་འཆར་དང་། ཕྱི་ཚེས་ ༡ ཉིན་གྱི་དགོང་དྲོ་ཨོ་ཊ་བ་ནས་བྷོ་ཊོན་དུ་ཕེབས་ཐོན་གྱིས་ཕྱི་ཚེས་ ༢ ཉིན་བྷོ་ཊོན་ས་གནས་སུ་ལས་འཆར་གནང་རྒྱུ་ཡིན་འདུག ཕྱི་ཚེས་ ༣ ཉིན་བྷོས་ཊོན་ནས་ནེ་ཝཀ་བརྒྱུད་ལྡི་ལིར་ཕེབས་འབྱོར་གནང་རྒྱུ། ཕྱི་ཚེས་ ༥ ཉིན་ལྡི་ལི་ནས་མཁའ་ལམ་ཐོག་ཅན་དྷི་གར་བརྒྱུད་སིམ་ལར་ཕེབས་འབྱོར་དང་། ཕྱི་ཚེས་ ༦ ཉིན་སིམ་ལ་གཏན་སློབ་ཀྱི་ལྔ་བཅུའི་དུས་དྲན་གྱི་མཇུག་བསྡོམས་མཛད་སྒོ་དང་མི་མང་གི་ཚོགས་འདུ་སོགས་གནང་རྒྱུ་ཡིན་འདུག ཕྱི་ཚེས་ ༧ ཉིན་ཌོ་ལན་ཇི་བོན་གཞིས་སུ་འཚམས་གཟིགས་གནང་རྗེས་རྡ་སར་ཕེབས་འབྱོར་གནང་རྒྱུ་ཡིན་འདུག་པ་བཅས། །
བཀའ་ཁྲི་མཆོག་གཞུང་འབྲེལ་ཕྱོགས་ཕེབས།
གསར་གནས།
འབྲེལ་གནས།
