༢༠༡༢ ཟླ་ ༣ ཚེས་ ༡ རེས་གཟའ་ཕུར་བུ།
༄༅། །ཕྱི་ལོ་ ༢༠༡༢ ཟླ་ ༣ ཚེས་ ༡ ཉིན་བསོད་ནམས་སྟོབས་རྒྱལ་ལགས་ཀྱིས་ནང་སྲིད་དྲུང་ཆེའི་ལས་འཁུར་ཞུས་པའི་རྟེན་འབྱུང་གི་མཛད་སྒོ་སྟབས་བདེ་ཞིག་ཚོགས་ཡོད།
དེ་ཉིན་སྔ་དྲོ་ཆུ་ཚོད་ ༡༠།༣༠ ཐོག་ནང་སྲིད་བཀའ་བློན་རྒྱ་རི་སྒྲོལ་མ་མཆོག སྤྲོད་དཔང་དཔལ་འབྱོར་ལས་ཁུངས་ཀྱི་དྲུང་ཚབ་ཟླ་རྡོ་རྗེ་ལགས་དབུ་བཞུགས་ཐོག་དྲུང་ཆེ་རྙིང་པ་དངོས་གྲུབ་རྡོ་རྗེ་ལགས་ཀྱིས་གསུང་བཤད་སྙིང་བསྡུས་ཤིག་གནང་རྗེས་བསོད་ནམས་སྟོབས་རྒྱལ་ལགས་ཀྱིས་༸གོང་ས་མཆོག་གི་སྐུ་དཔར་མཐོང་གྲོལ་རིན་པོ་ཆེར་མཇལ་དར་འབུལ་ལམ་ཞུས་གྲུབ་བསྟུན་ནང་སྲིད་བཀའ་བློན་མཆོག་གིས་རྟེན་འབྲེལ་གྱི་མཇལ་དར་བསྒྲོན་ཏེ་རིམ་བཞིན་ནང་སྲིད་ཀྱི་ལས་བྱེད་རྣམས་ནས་མཇལ་དར་བསྒྲོན་རྗེས་རྟེན་འབྲེལ་གྱི་གསོལ་ཇ་འབྲས་སིལ་ཕུལ་ཏེ་སྟབས་བདེའི་མཛད་སྒོ་དེ་བཞིན་གྲོལ་ཡོད་པ་བཅས། །
འཁོར་ལྷ་ཚང་བསོད་ནམས་སྟོབས་རྒྱལ་ལགས་ཀྱིས་ནང་སྲིད་དྲུང་ཆེའི་ལས་འཁུར་ཞུས་པ།
གསར་གནས།
འབྲེལ་གནས།
