༢༠༡༢ ཟླ་  ༣ ཚེས་ ༡ རེས་གཟའ་ཕུར་བུ།
༄༅། །ཕྱི་ལོ་ ༢༠༡༢ ཟླ་ ༣ ཚེས་ ༡ ཉིན་བཀྲ་ཤིས་རྒྱ་མཚོ་ལགས་ཀྱིས་བཀའ་ཤག་གི་བཀོད་ཁྱབ་ལྟར་ཆེས་མཐོའི་ཁྲིམས་ཞིབ་ཁང་གི་ཁྲིམས་དྲུང་གི་ལས་འཁུར་ཞུས་འདུག
དེ་ཡང་ཤ་འབྲོང་བཀྲ་ཤིས་རྒྱ་མཚོ་ལགས་ཀྱིས་ཕྱི་ཟླ་ ༢ ཚེས་ ༢༨ ཉིན་སྔ་དྲོ་ཆུ་ཚོད་ ༡༠ ཐོག་ཁྲིམས་ཞིབ་ཁང་གི་ཡང་སྟེང་མཇལ་འཕྲད་ཁང་དུ་ཁྲིམས་ཞིབ་པ་ཆེ་བ་ངག་དབང་འཕེལ་རྒྱལ་མཆོག་གི་དྲུང་ནས་སྒྲིག་གཞི་དགོངས་དོན་བཞིན་ཁྲིམས་དྲུང་གི་དམ་བཅའ་ཕུལ་ཟིན་རྗེས་༸རྒྱལ་བའི་སྐུ་དཔར་མཐོང་གྲོལ་རིན་པོ་ཆེར་མཇལ་དར་འབུལ་ལམ་ཞུས་གྲུབ་མཚམས་ཁྲིམས་ཞིབ་ཁང་གི་ལས་བྱེད་ནས་རྟེན་འབྲེལ་གྱི་མཇལ་དར་བསྒྲོན་ཏེ་གསོལ་ཇ་འབྲས་སིལ་ཕུལ་ནས་སྟབས་བདེའི་མཛད་སྒོ་དེ་བཞིན་གྲོལ་ཡོད་པ་བཅས། །