༢༠༡༢ ཟླ་ ༣ ཚེས་ ༢༧ རེས་གཟའ་མིག་དམར།
༄༅། །བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་བློ་བཟང་སེང་གེ་མཆོག་ཕྱི་ལོ་ ༢༠༡༢ ཟླ་ ༣ ཚེས་ ༢༨ ཉིན་གྱི་ཕྱི་དྲོ་རྡ་ས་ནས་ཅཀྐཱི་བྷེངྐ་བརྒྱུད་ལྡི་ལིར་ཕེབས་འབྱོར་གནང་རྗེས་དེ་གར་གནད་ཡོད་མི་སྣ་ཁག་གཅིག་དང་ཐུག་འཕྲད་གནང་རྒྱུ་ཡིན་པ་དང། ཕྱི་ཚེས་ ༣༠ ཉིན་ལྡི་ལི་ནས་མཁའ་ལམ་ཐོག་བྷེང་ཀོཀ་བརྒྱུད་ཉི་ཧོང་དུ་ཕེབས་འབྱོར་གནང་རྗེས་དེ་གར་ཕྱི་ཟླ་ ༤ ཚེས་ ༡ ནས་ ༤ བར་ཉི་ཧོང་གྲོས་ཚོགས་ཀྱི་འཐུས་མི་དང་། སྲིད་བྱུས་ཉམས་ཞིབ་པ། རོགས་ཚོགས་ཁག གསར་འགོད་པ་སོགས་ལ་མཇལ་མོལ། དེ་བཞིན་བོད་རིགས་མང་ཚོགས་ལ་གསུང་བཤད་གནང་རྒྱུ་ཡིན་འདུག ཕྱི་ཚེས་ ༥ ཉིན་ཉི་ཧོང་ནས་མཁའ་ལམ་ཐོག་བྷེང་ཀོཀ་བརྒྱུད་ལྡི་ལིར་ཕེབས་ཐོན་གནང་རྗེས་བཞུགས་སྒར་དུ་ཕེབས་འབྱོར་གནང་རྒྱུ་ཡིན་འདུག་པ་བཅས། །