༢༠༡༢ ཟླ་ ༡ ཚེས་ ༧ རེས་གཟའ་སྤེན་པ།
༄༅། །དཔལ་དུས་ཀྱི་འཁོར་ལོའི་དབང་ཆེན་གྱི་དཀྱིལ་འཁོར་ལེགས་པར་བཞེངས་སྐྲུན་ཟིན་པར་བརྟེན། ཕྱི་ལོ་ ༢༠༡༢ ཟླ་ ༡ ཚེས་ ༧ ཉིན་གྱི་ཕྱེད་ཡོལ་ཆུ་ཚོད་ ༡ པོའི་ཐོག་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་དུས་དབང་ཐང་ཆེན་གྱི་བཞུགས་ཁྲི་རིན་པོ་ཆེར་དབུ་བཞུགས་ཐོག་རྣམ་གྲྭ་ཕན་བདེ་ལེགས་བཤད་གླིང་གི་དགེ་འདུན་པ་ཁག་གཅིག་གིས་ལྷ་ལ་མཆོད་པ་འབུལ་ཆེད་གར་འཆམ་འཁྲབ་བཞིན་པའི་སྐབས་བོད་ཀྱི་ཟློས་གར་ཚོགས་པ་དང་མོན་རིགས་སོགས་མི་རིགས་འདྲ་མིན་ཁག་གཅིག་གིས་ཀྱང་རིམ་བཞིན་མང་ཚོགས་སྟོང་ཚོ་བརྒལ་བའི་དབུས་སུ་གར་འཆམ་འཁྲབ་པ་དང་གླུ་དབྱངས་ཀྱི་མཆོད་སྤྲིན་འབུལ་བཞིན་མགོན་པོ་གང་ཉིད་མཆོག་གི་སྐུའི་བྱམས་བརྩེའི་མཐོང་གྲོལ་དཀྱིལ་འཁོར་གྱི་མཇལ་ཁ་ཞུས་ཡོད། དེ་བཞིན་ཕྱི་ཚེས་ ༨ ཉིན་ྋགོང་ས་མཆོག་གིས་དུས་འཁོར་དབང་ཆེན་སྔོན་འགྲོའི་སློབ་མ་སྟ་གོན་མཛད་རྒྱུ་ཡིན་འདུག་པ་བཅས།།