༢༠༡༢ ཟླ་ ༡ ཚེས་ ༡༠ རེས་གཟའ་མིག་དམར།
༄༅། །བོད་ནས་གནས་ཚུལ་བྱུང་དོན་ལྟར་ན། ཕྱི་ལོ་ ༢༠༡༢ ཟླ་ ༡ ཚེས་ ༨ ཉིན་གྱི་སྔ་དྲོ་ཆུ་ཚོད་ལྔ་པའི་གཡས་གཡོན་དུ་བོད་མི་བསོད་ནམས་དབང་རྒྱལ་ཞུ་བ་ ཞིག་གིས་རང་ལུས་མེར་སྲེག་བཏང་འདུག བསོད་ནམས་ལགས་ནི་ད་ལྟ་མགོ་ལོག་ཁུལ་དུ་ཡོད་པའི་རྡར་ལག་གྲོང་ཚོའི་བླ་སྤྲུལ་ ཞིག་ཡིན་པ་དང་ད་ལྟ་ཁོང་རང་ལོ་བཞི་བཅུའི་ནང་རེད་འདུག ཁོང་རང་གིས་རང་ལུས་མེར་སྲེག་གཏོང་དགོས་དོན་ནི་བོད་ནང་ཆོས་དད་རང་དབང་མི་ འདུག་ཅེས་བརྗོད་ཡོད། དེར་བརྟེན་ཁོང་རང་ས་ཁུལ་དེའི་ནང་ཆོས་ཕྱོགས་ཀྱི་དབུ་ཁྲིད་ཅིག་ཡིན་སྟབས། ས་གནས་མི་མང་ཉིས་སྟོང་བརྒལ་བར་མར་མེའི་ཁྲོམ་སྐོར་བྱས་ཡོད་པ་མ་ཟད། ས་གནས་ཉེན་རྟོག་པར་ཁོང་གི་ཕུང་པོ་རྩིས་སྤྲོད་དགོས་སྐོར་བརྗོད་ཡོད། དེར་བརྟེན་ས་གནས་ཉེན་རྟོག་པས་བསོད་ནམས་དབང་རྒྱལ་ལགས་ཀྱི་ཕུང་པོ་མི་མང་ལ་ རྩིས་སྤྲོད་བྱེད་སྟབས་ཛ་དྲག་གི་གནས་ཚུལ་དེ་དག་ཞི་འཇམ་བྱུང་ཡོད། བོད་མིའི་སྒྲིག་འཛུགས་ཐོག་ནས་གནས་ཚུལ་གསར་པ་དེ་རིགས་བྱུང་ན་ང་ཚོའི་ངོས་ནས་ གསལ་བསྒྲགས་བྱ་རྒྱུ་ཡིན། རྒྱ་ནག་གཞུང་འབྲེལ་གྱི་ཤིང་ཧྭ་གསར་འགྱུར་ཁང་ནས་བོད་མི་གཉིས་ཀྱིས་ཟླ་ ༡ པོའི་ཚེས་ ༦ ཉིན་རང་ལུས་མེར་སྲེག་བཏང་གནས་ཚུལ་རྔ་པར་བྱུང་བར་ར་སྤྲོད་བྱུང་ཡོད། འདས་པའི་ཟླ་བ་བཅུ་གཉིས་ནང་བོད་མི་བཅོ་ལྔས་རང་ལུས་མེར་སྲེག་བཏང་བའི་གནས་ཚུལ་ བྱུང་ཡོད། རང་ལུས་མེར་སྲེག་གཏོང་མཁན་ཡོངས་ནས་བོད་ལ་རང་དབང་དགོས་པ་དང་ྋགོང་ས་མཆོག་བོད་ དུ་གདན་འདྲེན་ཞུས་དགོས་པའི་ཁ་གཅིག་གྲགས་ཐོག་སྐད་འབོད་བྱས་ཡོད། །