༢༠༡༢ ཟླ་ ༡ ཚེས་ ༢༧ རེས་གཟའ་པ་སངས།
༄༅། །ཕྱི་ལོ་ ༢༠༡༢ ཟླ་ ༡ ཚེས་ ༢༨ ནས་ཚེས་ ༣༠ བར་བཀའ་ཁྲི་བློ་བཟང་སེང་གེ་མཆོག་གིས་ཀོ་ལི་གྷལ་དོན་ལྡན་གླིང་བོད་མིའི་གཞིས་ཆགས་སུ་འཕྲོད་བསྟེན་ཁྱབ་ཁོངས་ཀུན་ཁྱབ་འགྲོ་ཕན་གླིང་བོད་མིའི་སྨན་ཁང་གསར་རྒྱག་ལེགས་པར་གྲུབ་པའི་དབུ་འབྱེད་མཛད་སྒོ་དང་། མང་ཚོགས་ལ་གསུང་བཤད་གནང་རྒྱུར་གཞུང་འབྲེལ་ཕྱོགས་ཕེབས་གནང་རྒྱུ་ཡིན་འདུག
དེ་ཡང་ཕྱི་ཚེས་ ༢༨ ཉིན་བཀའ་ཁྲི་མཆོག་རྡ་ས་ག༌གྷལ་གནམ་ཐང་ནས་ལྡི་ལི་བརྒྱུད་བྷེང་ལོར་དུ་ཕེབས་འབྱོར་གནང་རྒྱུ་དང་། ཕྱི་ཚེས་ ༢༨ ཉིན་བྷེང་ལོར་ནས་ཀོ་ལི་གྷལ་དོན་ལྡན་གླིང་གཞིས་ཆགས་སུ་ཕེབས་ཐོན་གྱིས་ས་གནས་སུ་སྔ་དྲོ་ཀུན་ཁྱབ་འགྲོ་ཕན་གླིང་སྨན་ཁང་དབུ་འབྱེད་ཀྱི་མཛད་སྒོར་ཞུགས་རྒྱུ་དང། ཉིན་རྒྱབ་མང་ཚོགས་ལ་གསུང་བཤད་གནང་རྗེས་ཀོ་ལི་གྷལ་ནས་བྷེང་ལོར་དུ་ཕེབས་ཐོན་གནང་རྒྱུ་ཡིན་འདུག ཕྱི་ཚེས་ ༣༠ ཉིན་བྷེང་ལོར་ནས་ལྡི་ལི་བརྒྱུད་ག་གྷལ་གནམ་ཐང་དང་དེ་ནས་རྡ་སར་ཕེབས་འབྱོར་གནང་རྒྱུ་ཡིན་འདུག་པ་བཅས། །
བཀའ་ཁྲི་མཆོག་གཞུང་འབྲེལ་ཕྱོགས་བསྐྱོད།
གསར་གནས།
འབྲེལ་གནས།
