དུས་དབང་སྐབས་བོད་ཀྱི་ཐུས་མིན་རིག་གཞུང་ངོ་སྤྲོད་དང་ཁྱབ་སྤེལ།
༅༅། གནས་མཆོག་རྡོ་རྗེ་གདན་དུ་དཔལ་དུས་ཀྱི་འཁོར་ལོའི་དབང་ཆེན་ཐེངས་ ༣༢ པའི་སྐབས་ཆོས་ཞུ་བ་རྣམས་ཀྱི་མིག་ལམ་དུ་བོད་མིའི་ཐུན་མོང་མ་ཡིན་པའི་རིག་གཞུང་ངོ་སྤྲོད་དང་ཁྱབ་སྤེལ་བྱེད་རྒྱུའི་གོ་སྐལ་དུ་ལེན་ཏེ་བོད་ཀྱི་ཟློས་གར་ཚོགས་པ་ནས་ལྷ་མོའི་སྒྱུ་རྩལ་དང་། རྐང་བྲོ་གླུ་གཞས་སོགས་ཉིན་གྲངས་བདུན་རིང་འཁྲབ་སྟོན་གཟིགས་འབུལ་ཞུ་རྒྱུ།
དུས་ཚིགས། ཕྱི་ཟླ་ ༡༢ ཚེས་ ༣༠ ཉིན་སྔ་དྲོའི་ཕྱག་ཚོད་ ༩།༣༠ ནས་ ༤།༣༠ བར་ལྷ་གཞུང་སྣང་ས་འོད་འབུམ་ཉིན་འཁྱོངས་གཟིགས་འབུལ་ཞུ་རྒྱ། ཕྱག་འཁྱེར་དགོས་གལ་མེད།
ཕྱི་ཟླ་ ༡༢ ཚེས་ ༣༡ དང་། ཕྱི་ཟླ་ ༡ ཚེས་ ༢། ༤། སོ་སོར་འཛམ་གླིང་ཡང་རྩེའི་བྲོ་གཞས་དང་། ཕྱི་ཟླ་ ༡ ཚེས་ ༡། ༣། ༥། བོད་ཀྱི་ཡུལ་གྲུ་ཁག་དང་བཟོ་ཞིང་འབྲོག་གསུམ་གྱི་གཞས་སྣ་ཁག་ཉིན་ལྟར་ཕྱི་དྲོའི་ཕྱག་ཚོད་ ༦ ཐོག་གཟིགས་འབུལ་ཞུ་རྒྱུ།
འཁྲབ་སྟོན་ཞུ་ཡུལ། གཏེ་སྒར་དགོན་པའི་ཉེ་འགྲམ།
ཕྱག་འཁྱེར་དོད། ཧིན་སྒོར་ ༡༠།
ཉེ་ཆར་རང་ཡུལ་བོད་ནས་ཕེབས་པའི་རང་རིགས་སྤུན་ཟླ་རྣམས་ཕྱི་ཟླ་ ༡ ཚེས་ ༢ དང་ཚེས་ ༣ ཉིན་གཟིགས་མོའི་དམིགས་བསལ་སྐུ་མགྲོན་དུ་ངེས་ཕེབས་ཡོང་བ་ཞུ་རྒྱུ་བཅས་ཀྱི་གསལ་བསྒྲགས། བོད་ཀྱི་ཟློས་གར་ཚོགས་པའི་ལས་ཁུངས་ནས་ ༢༠༡༡ ཟླ་ ༡༢ ཚེས་ ༡༣ ལ།།
