༢༠༡༡ ཟླ་ ༡༢ ཚེས་ ༡༤ རེས་གཟའ་ཕུར་བུ།
༄༅། །ཕྱི་ལོ་ ༢༠༡༡ ཟླ་ ༡༢ ཚེས་ ༡༨ ཉིན་བཀའ་བློན་ཁྲི་པ་བློ་བཟང་སེང་གེ་མཆོག་རྒྱ་གར་གྱི་རྒྱལ་ས་ལྡི་ལིར་དབུས་བོད་སློབ་འཛིན་ཚོགས་ཀྱི་དམིགས་བསལ་ཚོགས་འདུ་དང་མི་སྣ་མཇལ་འཕྲད་སོགས་ཀྱི་ཆེད་གཞུང་འབྲེལ་ཕྱོགས་བསྐྱོད་གནང་རྒྱུ་ཡིན་འདུག
དེ་ཡང་གོང་ཚེས་ཉིན་གྱི་སྔ་དྲོ་བཀའ་ཁྲི་མཆོག་གྷ་གལ་གནམ་ཐང་ནས་མཁའ་ལམ་བརྒྱུད་ལྡི་ལིར་ཕེབས་འབྱོར་གནང་རྒྱུ་དང་། ཕྱི་ཚེས་ ༡༩ ཉིན་དབུས་བོད་སློབ་འཛིན་ཚོགས་ཀྱི་དམིགས་བསལ་ཚོགས་འདུར་ཕེབས་ཞུགས་གནང་རྗེས། ཕྱི་ཚེས་ ༢༠ ཉིན་མི་སྣ་མཇལ་འཕྲད་གནང་རྒྱུ་དང་། ཕྱི་ཚེས་ ༢༡ ཉིན་ལྡི་ལི་ནས་མཁའ་ལམ་བརྒྱུད་གྷ་གལ་གནམ་ཐང་དུ་ཕེབས་ཐོན་གྱིས་རྡ་སར་ཕེབས་འབྱོར་གནང་རྒྱུ་ཡིན་འདུག་པ་བཅས། །