༢༠༡༡ ཟླ་ ༡༡ ཚེས་ ༣ རེས་གཟའ་ཕུར་བུ།
༄༅། །ཕྱི་ལོ་ ༢༠༡༡ ཟླ་ ༡༡ ཚེས་ ༢ ནས་འགོ་འཛུགས་ཀྱིས་བདུན་ཕྲག་གཅིག་རིང་ཨ་རིའི་ཊེཀ་ས་སིའི་ཉེ་འགྲམ་དུ་ཡོད་པའི་མེཀ་སི་ཀོའི་ཡུལ་གྱི་ནོ་ཝེ་ལོ་རེ་དྲ་ཞེས་པའི་གྲོང་ཁྱེར་དུ་བོད་ཀྱི་རིག་གཞུང་དང་འབྲེལ་བའི་འགྲེམས་སྟོན་ཞིག་གོ་སྒྲིག་ཞུས་འདུག
དེ་ཡང་འགྲེམས་སྟོན་དབུ་འཛུགས་མ་གནང་གོང་རྣམ་གྲྭ་དགེ་འདུན་པ་བསྟན་འཛིན་མཐུ་སྟོབས་ལགས་ཀྱིས་ནོ་ཝེ་ལོ་རེ་དྲའི་གྲོང་ཁྱེར་སྤྱི་ཁྱབ་པ་བྷན་ཇ་མིན་གྷལ་ཝན་གྷོ་མེ་ཛི་མཆོག་དང་མཇལ་འཕྲད་གནང་ཡོད། སྐབས་དེར་བསྟན་འཛིན་ཐུ་སྟོབས་ལགས་དང་ལྷན་མེཀ་སི་ཀོ་བོད་ཁང་གི་འགན་འཛིན་སྐུ་ཞབས་ལུ་ཝི་སི་ཕེ་ཌི་རི་ཀོ་ཝིལ་ལ་རེལ་མཆོག་ཀྱང་ཡོད་འདུག
བདུན་ཕྲག་གཅིག་རིང་གི་བོད་ཀྱི་རིག་གཞུང་འགྲེམས་སྟོན་སྐབས་བོད་ཀྱི་ནང་ཆོས་དང་འབྲེལ་བའི་རྡུལ་མཚོན་དཀྱིལ་འཁོར་བཞེང་རྒྱུ་དང་བོད་ཀྱི་གནད་དོན་དང་འབྲེལ་བའི་དངོས་བྱུང་གློག་བརྙན་སྟོན་རྒྱུ། དེ་བཞིན་ནང་ཆོས་ངོ་སྤྲོད་སོགས་ཀྱི་ལས་འཆར་སྤེལ་རྒྱུ་ཡིན་འདུག སྤྱིར་ས་གནས་དེར་ཉལ་ཐག་གི་ནག་ཚོང་གི་རྐྱེན་པའི་མི་གསོད་ཁྲག་སྦྱོར་གྱི་དཀའ་ངལ་འཕྲད་བཞིན་ཡོད། དེར་བརྟེན་གཞོན་སྐྱེས་ཚོར་ནང་ཆོས་ནས་གསུངས་པའི་བྱམས་པ་དང་འཚེ་མེད་ཞི་བའི་བསླབ་བྱའི་སྐོར་ངོ་སྤྲོད་གནང་ཐུབ་ན།  སྤྱི་ཚོགས་དེར་ཞི་བདེ་བསྐྲུན་རྒྱུར་ཕན་ཐོགས་ཧ་ཅང་ཡོང་ཐུབ་སྐོར་གྲོང་ཁྱེར་སྤྱི་ཁྱབ་པས་བརྗོད་ཡོད་པ་བཅས།།