༢༠༡༡ ཟླ་ ༡༡ ཚེས་ ༢༩ རེས་གཟའ་མིག་དམར།
༄༅། །ཕྱི་ལོ་ ༢༠༡༡ ཟླ་ ༡༡ ཚེས་ ༢༩ ཉིན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་དེ་སྔ་ཨོ་སི་ཊོ་ལི་ཡའི་གྲོས་ཚོགས་ཀྱི་ཚོགས་གཙོ་གཞོན་པ་སྐུ་ཞབས་པི་ཊར་ནེལ་སི་ལི་པར་(Mr.Peter Neil Slipper)མཆོག་ཨོ་སི་ཊོ་ལི་ཡའི་གྲོས་ཚོགས་ཀྱི་ཚོགས་གཙོ་གསར་པར་བསྐོ་གཞག་བྱུང་བར་འཚམས་འདྲི་ཞུས་ཡོད་པའི་ནང་འཁོད་དོན།
སྐུ་ཉིད་མཆོག་ཨོ་སི་ཊོ་ལི་ཡའི་གྲོས་ཚོགས་འོག་མའི་ཚོགས་གཙོ་ཐེངས་ ༢༧ པར་བསྐོ་གཞག་བྱུང་བར། ངས་བོད་མི་མང་སྤྱི་འཐུས་ལྷན་ཚོགས་ཀྱི་ཚབ་ཞུས་ཏེ་སྙིང་ཐག་པ་ནས་དགའ་བསུའི་འཚམས་འདྲི་ཞུ་རྒྱུ་དང། སྐུ་ཉིད་ཀྱི་དབུ་ཁྲིད་འོག་ཨོ་སི་ཊོ་ལི་ཡའི་གྲོས་ཚོགས་ནང་གཟེངས་སུ་ཐོན་པའི་གྲུབ་འབྲས་ཐོན་ཐུབ་རྒྱུར་རེ་བ་དང་སྨོན་འདུན་ཞུ་རྒྱུ་ཡིན། སྐུ་ཉིད་ཀྱིས་བོད་དོན་ཆེད་རྒྱབ་སྐྱོར་གནང་བར་སྙིང་ཐག་པ་ནས་བཀའ་དྲིན་རྗེས་དྲན་ཞུ་རྒྱུ་དང་སླད་མར་ཡང་བོད་དོན་བདེན་མཐའ་མ་གསལ་བར་རྒྱབ་སྐྱོར་མུ་མཐུད་གནང་རྒྱུའི་རེ་བ་ཞུ་རྒྱུ་མ་ཟད།  འཆར་ལོའི་ནང་བཙན་བྱོལ་བོད་མི་མང་སྤྱི་འཐུས་ལྷན་ཚོགས་དང་ཨོ་སི་ཊོ་ལི་ཡའི་གྲོས་ཚོགས་དབར་འབྲེལ་ཐག་ཉེ་རུ་འགྲོ་རྒྱུའི་རེ་བ་ཞུ་བཞིན་ཡོད། ཅེས་སོགས་འཁོད་ཡོད།།