༢༠༡༡ ཟླ་ ༡༡ ཚེས་ ༢༨ རེས་གཟའ་ཟླ་བ།
ཕྱི་ལོ་ ༢༠༠༩ ལོར།
༄༅། །ཕྱི་ལོ་ ༢༠༡༡ ཟླ་ ༡༡ ཚེས་ ༢༥ ཉིན་བཙན་བྱོལ་བོད་མིའི་སྒྲིག་འཛུགས་ཀྱིས་དེ་སྔ་ཨོ་སི་ཊོ་ལི་ཡའི་གྲོས་ཚོགས་ཀྱི་ཚོགས་གཙོ་གཞོན་པ་སྐུ་ཞབས་པི་ཊར་སི་ལི་པར་མཆོག་ཨོ་སི་ཊོ་ལི་ཡའི་གྲོས་ཚོགས་ཀྱི་ཚོགས་གཙོར་བསྐོ་གཞག་བྱུང་བར་འཚམས་འདྲི་ཞུས་པའི་ནང་འཁོད་དོན། སྐུ་ཉིད་མཆོག་ཨོ་སི་ཊོ་ལི་ཡའི་གྲོས་ཚོགས་འོག་མའི་ཚོགས་གཙོར་བསྐོ་གཞག་བྱུང་བར་བཙན་བྱོལ་བོད་མིའི་སྒྲིག་འཛུགས་ཀྱིས་སྙིང་ཐག་པ་ནས་དགའ་བསུའི་འཚམས་འདྲི་ཞུ་རྒྱུ་ཡིན། སྐུ་ཉིད་མཆོག་དེ་སྔ་ཨོ་སི་ཊོ་ལི་ཡའི་གྲོས་ཚོགས་འོག་མའི་ཚོགས་གཞོན་སྐབས་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལོ་ ༢༠༠༩ ཟླ་ ༦ ནང་ཨོ་སི་ཊོ་ལི་ཡའི་གྲོས་ཚོགས་སུ་གདན་འདྲེན་ཞུས་གནང་ཡོད་པ་མ་ཟད། ལོ་དེའི་ཕྱི་ཟླ་ ༧ ནང་སྐུ་ཉིད་མཆོག་གིས་སྣེ་འཁྲིད་དེ་ཨོ་སི་ཊོ་ལི་ཡའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་འཐུས་མི་ཁག་གཅིག་རྡ་སར་འཚམས་གཟིགས་སུ་ཕེབས་པ་དེ་དག་ལ་ང་ཚོས་དགའ་སེམས་འཁོལ་བའི་ངང་རྗེས་དྲན་ཞུ་བཞིན་ཡོད།
ཉེ་ལམ་བོད་མི་ ༡༡ གིས་རང་ལུས་མེར་སྲེག་བཏང་བའི་དོན་རྐྱེན་བྱུང་བ་དེ་ལས་དེང་སྐབས་བོད་ནང་ཕྱི་ཚུལ་ཙམ་ལས་དོན་དངོས་ཐོག་དམག་ཁྲིམས་སྡོམ་བཞིན་ཡོད་པ་ར་སྤྲོད་གསལ་པོ་ཐུབ། དེར་བརྟེན་སྐུ་ཉིད་ཀྱིས་དམིགས་བསལ་གོ་གནས་དེའི་ཐོག་ནས་བོད་ཀྱི་གནད་དོན་གང་མྱུར་སེལ་རྒྱུའི་འབད་བརྩོན་གནང་རོགས་ཞེས་འབོད་སྐུལ་ཞུ་རྒྱུ་ཡིན། ཞེས་སོགས་འཁོད་ཡོད་པ་བཅས།།
