༢༠༡༡ ཟླ་ ༡༡ ཚེས་ ༡༠ རེས་གཟའ་ཕུར་བུ།
༄༅། །འཛམ་གླིང་ཤར་ནུབ་ཡུལ་གྲུ་གང་ས་ནས་སྤྱིར་ནང་ཆོས་དང་ལྷག་པར་ཟབ་ལམ་འཇའ་ལུས་འཕོ་བའི་གདམས་ངག་ལ་ཉམས་ལེན་དོན་གཉེར་ཅན་མང་དག་ཅིག་ནས་ཇི་ལྟར་གསོལ་འདེབས་ཞུས་དོན་བཞིན་འབྲི་གུང་ཆོས་རྗེ་ཨཱ་དབྱངས་རིན་པོ་ཆེ་མཆོག་ནས་ཕྱི་ལོ་ ༡༩༩༣ ནས་བཟུང་ལོ་ལྟར་གནས་མཆོག་རྡོ་རྗེ་གདན་དུ་སྔ་འགྱུར་རྙིང་མའི་སྨོན་ལམ་ཆེན་མོ་མ་ཚུགས་སྔོན་ཕྱི་ནང་མི་རིགས་སྟོང་ཚོ་བརྒལ་བར་ཟབ་ལམ་འཇའ་ལུས་འཕོ་བ་ཆེན་མོའི་ཁྲིད་ཁ་དང་འཕོ་སྦྱོང་བཀའ་ཁྲིད་བཀའ་དྲིན་ཆེ་མུས་ལྟར། ཕྱི་ལོ་ ༢༠༡༢ ལོར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་གནས་མཆོག་རྡོ་རྗེ་གདན་དུ་སྩལ་རྒྱུའི་དཔལ་དུས་ཀྱི་འཁོར་ལོའི་དབང་གྲུབ་རྗེས་ཕྱི་ལོ་ ༢༠༡༢ ཕྱི་ཟླ་ ༡ ཚེས་ ༡༤ ནས་ཚེས་ ༢༣ བར་ཉིན་གྲངས་བཅུའི་རིང་ཟབ་ལམ་འཇའ་ལུས་འཕོ་བའི་ཁྲིད་ཁ་དང་འཕོ་སྦྱོང་བཀའ་ཁྲིད་བཀའ་དྲིན་ཆེ་རྒྱུའི་ཐུགས་གཏན་འཁེལ་སོང་བར་བརྟེན། དད་ལྡན་ཆོས་ཞུ་བ་རྣམས་གནས་མཆོག་ཁྱད་འཕགས་ཅན་དུ་གདམས་ངག་ཟབ་མོ་འདི་ལྟ་བུ་ཞུ་ཐུབ་ན་འདི་ཕྱི་གཉིས་ཕན་གྱི་སྐལ་བཟང་གོ་སྐབས་འདི་ལས་ལྷག་པ་མེད་པར་སོང་དེ་རྩིས་དེ་སྔ་འཕོ་བའི་ཁྲིད་ཁ་ཞུ་མྱོང་མཁན་རྣམས་དང་དེ་བཞིན་གསར་དུ་ཞུ་བློ་ཡོད་རྣམས་ཕྱི་ལོ་ ༢༠༡༢ ཟླ་ ༡ ཚེས་ ༡༤ འགྱངས་མེད་གནས་མཆོག་རྡོ་རྗེ་གདན་དུ་ཕེབས་འབྱོར་ཐུབ་པ་གནང་དགོས་ཀྱིས་ཆོས་བརྡ་གསལ་བསྒྲགས་དུ། སྦེལ་ཀོབ་བཀའ་དགོན་འཕོ་བའི་གྲ་སྒྲིག་ཚོགས་ཆུང་ནས་ཕྱི་ལོ་ ༢༠༡༡ ཟླ་ ༡༡ ཚེས་ ༢ ཉིན་
ཕུལ།།
འབྲེལ་བ་གནང་ཡུལ།
སྦེལ་ཀོབ། ༠༨༢༢༣ ༢༥༤༢༢༠
ལྡི་ལི། ༠༡༡ ༢༦༨༤༨༥༦༨
རྡོར་གདན། ༠༦༣༡ ༢༢༠༠༢༡༤
