༠༡༡ ཟླ་ ༡༡ ཚེས་ ༢༢ རེས་གཟའ་མིག་དམར།
༄༅། །བོད་མིའི་འདི་ཕྱི་གཉིས་ཀྱི་སྐྱབས་གནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱ་གར་ལྷོ་ཕྱོགས་བོད་མིའི་གཞིས་ཆགས་ཧུན་སུར་རབ་རྒྱས་གླིང་ཁུལ་དུ་རྟེན་གཞི་བྱས་པའི་རྒྱུད་སྨད་གྲྭ་ཚང་གིས་ཇི་ལྟར་སྔོན་ནས་གསོལ་འདེབས་ཞུས་དོན་ལྟར་བཀའ་བཞེས་བཟང་པོ་ཐོབ་སྟེ་ཕྱི་ལོ་ ༢༠༡༡ ཟླ་ ༡༢ ཚེས་ ༤ ཉིན་ཧུན་སུ་རབ་རྒྱས་གླིང་ཁུལ་དུ་རྟེན་གཞི་བྱས་པའི་རྒྱུད་སྨད་གྲྭ་ཚང་དུ་ཆིབས་སྒྱུར་བསྐྱང་སྟེ་ཕྱི་ཚེས་ ༥ དང་ ༦ ཉིན་གྲངས་གཉིས་རིང་དཔལ་གསང་བ་འདུས་པའི་རིགས་ལྔའི་འགྲེལ་བའི་བཀའ་ཆོས་སྩལ་རྒྱུ།
དེ་ཡང་ཕྱི་ཚེས་ ༥ དང་ ༦ ཉིན་གྲངས་གཉིས་རིང་སྔ་དྲོ་ཆུ་ཚོད་ ༩ པ་ནས་ཕྱེད་ཡོལ་ ༣ བར་བཀའ་ཆོས་བསྐྱང་རྒྱུ་ཡིན་འདུག ཕྱི་ཚེས་ ༧ ཉིན་གྱི་སྔ་དྲོ་ཆུ་ཚོད་ ༩ པའི་ཐོག་མགོན་པོ་གང་ཉིད་མཆོག་ལ་བརྟན་བཞུགས་འདེགས་འབུལ་ཞུ་རྒྱུ་དང་། ཕྱེད་ཡོལ་ཆུ་ཚོད་ ༡ དང་པོའི་ཐོག་རྒྱུད་སྨད་གྲྭ་ཚང་གི་རིག་གནས་སློབ་གྲྭ་དབུ་འབྱེད་དང་བཀའ་སློབ་སྩལ་རྒྱུ་ཡིན་འདུག་པ་བཅས། །