༢༠༡༡ ཟླ་ ༡༠ ཚེས་ ༢༡ རེས་གཟའ་པ་སངས།
༄༅། །ཕྱི་ལོ་ ༢༠༡༡ ཟླ་ ༡༠ ཚེས་ ༡༩ རེས་གཟའ་ལྷག་པའི་ཉིན་ལ་དྭགས་བསོད་ནམས་གླིང་གཞིས་ཆགས་དང་ས་གནས་འཐུས་ཚོགས་གཉིས་ཐུན་མོང་གིས་གོ་སྒྲིག་འོག་རྒྱལ་ས་སླེའི་ཇོ་ཁང་དུ་ཉེ་ལམ་བོད་ནང་རང་ལུས་མེར་སྲེག་གཏོང་མཁན་གྱི་རྒྱལ་གཅེས་དཔའ་བོ་དཔའ་མོ་རྣམས་ལ་གདུང་སེམས་མཉམ་སྐྱེ་མཚོན་ཆེད་མཆོད་འབུལ་སྨོན་ལམ་དང་སྨྱུང་གནས་ཀྱི་ལས་འགུལ་ཞིག་གོ་སྒྲིག་ཞུས་ཡོད། སྐབས་དེར་ས་གནས་འགོ་འཛིན་དོན་གྲུབ་བཀྲིས་ལགས་དང་ས་འཐུས་ཚོགས་གཙོ་དོན་གྲུབ་ཚེ་རིང་ལགས་ཀྱིས་བོད་ནང་ད་ལྟའི་ཆར་བོད་མི་ཚོ་དམ་བསྒྲགས་ཆེ་བའི་གནས་སྟངས་འོག་ཧ་ཅང་ཛ་དྲག་དཀའ་ངལ་མྱོང་བཞིན་ཡོད་པར་བརྟེན། བོད་མི་རྣམས་འུ་ཐུག་ཐབས་ཟད་ཀྱིས་འདི་ལོ་ཕྱི་ཟླ་ ༣ པ་ནས་བོད་མི་སྐྱ་སེར་དགུས་རང་ལུས་མེར་སྲེག་བཏང་སྟེ་རྒྱ་ནག་གཞུང་གིས་བོད་མི་ཚོར་འཛིན་པའི་དམ་བསྒྲགས་ཅན་གྱི་སྲིད་བྱུས་ལ་ངོ་རྒོལ་གནང་གི་ཡོད་སྐོར་སོགས་མཆོད་འབུལ་སྨོན་ལམ་དང་འབྲེལ་བའི་ངོ་སྤྲོད་ཀྱི་གསུང་བཤད་གནང་གྲུབ་བསྟུན། སྨོན་ལམ་གསུང་འདོན་གནང་ཡོད་པ་བཅས།།
བཅུ་པའི་བཅུ་དགུ་ཉིན་ལ་དྭགས་སུ་ཟས་བཅད་ངོ་རྒོལ་དང་སྨོན་ལམ་མཆོད་འབུལ་གནང་བ།
གསར་གནས།
འབྲེལ་གནས།
