༢༠༡༡ ཟླ་ ༩ ཚེས་ ༢༦ རེས་གཟའ་ཟླ་བ།
༄༅། །ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དད་ལྡན་ཐེ་ཝན་ནང་ཆོས་དོན་གཉེར་བ་ཁག་གཅིག་གིས་ཇི་ལྟར་སྔོན་ནས་གསོལ་འདེབས་ཞུས་དོན་ལྟར་བཀའ་བཞེས་བཟང་པོ་ཐོབ་སྟེ་ཕྱི་ལོ་ ༢༠༡༡ ཟླ་ ༡༠ ཚེས་ ༡ ཉིན་མགོན་པོ་གང་ཉིད་མཆོག་གིས་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་མགོན་པོ་ཀླུ་སྒྲུབ་ཀྱིས་མཛད་པའི་ཆོས་དབྱིངས་བསྟོད་པའི་བཀའ་ཁྲིད་ཉིན་བཞིའི་རིང་སྩལ་རྒྱུ་ཡིན་འདུག དེ་ཡང་ཕྱི་ཚེས་ ༡ ནས་ ༣ བར་ཉིན་རེར་སྔ་དྲོ་ཆོས་ཐུན་ཆུ་ཚོད་ ༩།༣༠ ནས་ ༡༡།༣༠ བར་དང་། ཉིན་རྒྱབ་ཆུ་ཚོད་ ༡ ནས་ ༣ བར་བཅས་ཆོས་ཐུན་གཉིས་རེ་དང་། ཕྱི་ཚེས་ ༤ ཉིན་སྔ་དྲོའི་ཆུ་ཚོད་ ༩།༣༠ ནས་ ༡༡།༣༠ བར་ཆོས་ཐུན་གཅིག་བསྩལ་རྒྱུ་ཡིན་འདུག་པ་བཅས།
སྤྱི་ནོར་༸གོང་ས་༸སྐྱབས་མགོན་ཆེན་མཆོག་གིས་ཆོས་དབྱིངས་བསྟོད་པའི་བཀའ་ཁྲིད་བསྩལ་རྒྱུ་ཡིན་འདུག
གསར་གནས།
འབྲེལ་གནས།
