༢༠༡༡ ཟླ་ ༩ ཚེས་ ༢༥ རེས་གཟའ་ཟལ་བ།
བློ་བཟང་སྐལ་བཟང་།
༄༅། །ཕྱི་ལོ་ ༢༠༡༡ ཟླ་ ༩ ཚེས་ ༢༦ ཉིན་གྱི་ད་ལྟ་གྲངས་ཆ་འགའ་ཤས་སྔོན་ལ་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་སུ་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་གྲོས་ཚོགས་སུ་སྙན་སེང་ཞུས་དོན་ལྟ་ན། དེ་རིང་སྔ་དྲོའི་བོད་ནང་གི་ཆུ་ཚོད་ ༡༠ ཙམ་ལ་རྔ་པ་ཀིརྟི་དགོན་པར་བོད་བསྟན་སྲིད་ཀྱི་དོན་དུ་རང་ལུས་མེར་བསྲེགས་གཏོང་མཁན་དགེ་འདུན་པ་ཕུན་ཚོགས་ལགས་ཀྱི་ཚ་བོ་གྲྭ་བློ་བཟང་སྐལ་བཟང་ལགས་དང་། གཞན་དགེ་འདུན་པ་བློ་བཟང་དཀོན་མཆོག་ཞུ་བ་གཉིས་ཀྱིས་རྔ་པ་རྫོང་གི་ཁྲོམ་གཞུང་དུ་རང་ལུས་མེར་སྲེག་བཏང་སྟེ་རྒྱ་ནག་གཞུང་ཕྱོགས་ནས་བོད་ནང་བོད་མི་ཚོར་འགྲོ་བ་མིའི་ཐོབ་ཐང་དང་རང་དབང་། བདེ་སྐྱིད་རྩ་བ་ནས་སྤྲོད་ཀྱི་མེད་པར་ངོ་རྒོལ་གནང་བ་ཞིག་ཡིན།
གོང་གསལ་གཞོན་སྐྱེས་དགེ་འདུན་པ་ཁོང་གཉིས་ཀྱིས་རང་ལུས་མེར་སྲེག་བཏང་བར་བརྟེན། ད་ལྟའི་ཆར་རྔ་པ་ཀིརྟི་དགོན་པར་ཧ་ཅང་ཛ་དྲག་ཆགས་ཡོད་པ་དང་། དོན་རྐྱེན་དེ་བྱུང་མ་ཐག་ཁོང་གཉིས་སྨན་ཁང་དུ་འཁྲིད་ཡོད་ཀྱང་། དགེ་འདུན་པ་གཅིག་འདས་གྲོངས་སུ་གྱུར་ཡོད་འདུག ཚོགས་གཞོན་མཆོག་གིས་གསུངས་པ་ལྟར་ན། དགེ་འདུན་པ་བློ་བཟང་སྐལ་བཟང་ལགས་རང་ལོ་ ༡༨ ཡིན་པ་དང་། དགེ་འདུན་པ་བློ་བཟང་དཀོན་མཆོག་ལགས་ཀྱང་རང་ལོ་ ༡༨ ཡིན་འདུག
བཞུགས་སྒར་ཀིརྟི་བྱེས་པ་གྲྭ་ཚང་གི་འབྲེལ་མཐུད་པ་སྐུ་ཞབས་གྲྭ་ཚེ་རིང་ལགས་ཀྱིས་དེ་ནི་དངོས་ཡོད་གནས་ཚུལ་ཡིན་པ་དང་།
གནས་ཚུལ་དེ་དང་འབྲེལ་བའི་དཔར་དང་གནས་ཚུལ་སྙིང་བསྡུས་འབྱོར་ཡོད་སྐོར་བརྗོད་འདུག་པ་བཅས།
