༢༠༡༡ ཟླ་ ༩ ཚེས་ ༡༩ རེས་གཟའ་ཟླ་བ།
༄༅། །ཕྱི་ལོ་ ༢༠༡༡ ཟླ་ ༩ ཚེས་ ༦ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཐོག་མར་ཁེ་ཎ་ཌར་ཆིབས་སྒྱུར་བསྐྱངས་ཏེ་མཛད་འཕྲིན་རྒྱ་ཆེ་བསྐྱངས་གྲུབ་བསྟུན། ལྷོ་ཨ་རིའི་རྒྱལ་ཁབ་མེཀ་སིཀོ་དང་ཨར་ཇེན་ཊི་ན། བྷར་ཛིལ་བཅས་ཀྱི་ནང་ཆོས་འབྲེལ་དང་མང་ཚོགས་ལ་བཀའ་སློབ། རྒྱལ་ཁབ་ཀྱི་དབུ་ཁྲིད་དང་མཇལ་འཕྲད། གསར་འགྱུར་བརྒྱུད་ལམ་ཁག་གི་ཆེད་དོན་དྲི་བར་བཀའ་ལན་མཛད་པ། ནང་ཆོས་དང་ཚན་རིག་བགྲོ་གླེང་བཅས་ཀྱི་ཚོགས་མགོན་དུ་ཇི་ལྟར་གསོལ་འདེབས་ཞུས་དོན་ལྟར་ཆིབས་སྒྱུར་བསྐྱངས་ཏེ་བཀའ་སློབ་ཟབ་རྒྱས་སྩལ་ཏེ་ལྷོ་ཨ་རིའི་ཁུལ་གྱི་མཛད་འཕྲིན་རྣམས་ཡོངས་སུ་ལེགས་གྲུབ་ཀྱིས་རྒྱ་གར་ལ་ཆིབས་ཞལ་བསྒྱུར།
ཕྱི་ལོ་ ༢༠༡༡ ཟླ་ ༩ ཚེས་ ༡༩ སྔ་དྲོ་ཆུ་ཚོད་ ༡༠།༡༥ ཐོག་ག་གྷལ་གནམ་ཐང་དུ་༸ཞབས་སོར་འཁོད་སྐབས་དབུས་བོད་མིའི་སྒྲིག་འཛུགས་ཀྱི་བཀའ་ཁྲི་བློ་བཟང་སེང་གེ་མཆོག་དང་། བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག གཞུང་འབྲེལ་མིན་པའི་ཚོགས་པའི་སྐུ་ཚབ་དང་། གཞུང་ལམ་གཡས་གཡོན་དུ་དད་མི་མང་བརྒྱ་ཕྲག་མང་པོས་གདུག་སྤོས་དང་མཇལ་དར་ཐོགས་ཏེ་ཕེབས་བསུ་གཟབ་རྒྱས་ཞུས་ཡོད། དེ་བཞིན་བཞུགས་སྒར་ཕོ་བྲང་དུ་༸ཞབས་སོར་འཁོད་མཚམས་ཕོ་བྲང་གི་རྒྱལ་སྒོའི་ནང་དུ་བཙན་བྱོལ་བོད་མིའི་ཁྲིམས་ཞིབ་ཆེ་བ་ངག་དབང་འཕེལ་རྒྱས་མཆོག་དང་ཁྲིམས་ཞིབ་པ་གཞན་རྣམ་གཉིས། གསར་དུ་བསྐོ་གཞག་བྱུང་བའི་བཀའ་བློན་རྣམ་པ། བོད་མི་མང་སྤྱི་འཐུས་རྣམ་པས་༸གོང་ས་མཆོག་ལ་ཕེབས་བསུ་གཟབ་རྒྱས་ཞུས་ཡོད་པ་བཅས།།
༸གོང་ས་༸སྐྱབས་མགོན་ཆེན་པོ་མཆོག་གིས་ལྷོ་ཨ་རིའི་མཛད་འཕྲིན་རྣམས་ལེགས་པར་གྲུབ་སྟེ་བཞུགས་སྒར་༸ཞབས་སོར་བདེ་བར་འཁོད་པ།
གསར་གནས།
འབྲེལ་གནས།
