༢༠༡༡ ཟླ་ ༩ ཚེས་ ༡༢ རེས་གཟའ་ཟླ་བ།
༄༅།། ཕྱི་ལོ་ ༢༠༡༡ ཟླ་ ༩ ཚེས་ ༡༡ རེས་གཟའ་ཉི་མིའི་ཉིན་༸གོང་ས་མཆོག་གིས་ཨ་རིའི་གྲོང་ཁྱེར་ནིའུ་ཡོཀ་དང་ཝ་ཤིང་ཊོན་དུ་དགུ་བཅུ་གཅིག་དོན་རྐྱེན་བྱུང་ནས་ལོ་བཅུ་འཁོར་བའི་དུས་དྲན་ཉིན་གསུང་འཕྲིན་སྩལ་བའི་ནང་འཁོད་དོན།
དེ་རིང་ང་ཚོས་ཨ་རིའི་གྲོང་ཁྱེར་ནིའུ་ཡོཀ་དང་ཝ་ཤིང་ཊོན་དུ་དགུ་བཅུ་གཅིག་གི་འཇིག་རྒོལ་བྱུང་ནས་ལོ་བཅུ་འཁོར་བའི་དུས་དྲན་སྲུང་བརྩི་ཞུ་བཞིན་པའི་སྐབས་འདིར་ང་ཚོས་རྐྱེན་འདས་སུ་གྱུར་བ་རྣམས་ལ་རྗེས་དྲན་ཞུ་བ་དང་སྦྲགས། དོན་རྐྱེན་དེའི་རྗེས་འབྲས་ཇི་བྱུང་ཐོག་བསམ་བློ་ནན་པོ་གཏོང་དགོས།
མིའི་རྣམ་དཔྱོད་དང་འཕྲུལ་ཆས་དེ་དག་ཁོང་ཁྲོའི་གཞན་དབང་འོག་བེད་སྤྱོད་བཏང་པ་ཡིན་ན་ང་ཚོ་འགྲོ་བ་མི་ཕན་ཚུན་འཇིག་སྣང་སྐྱེ་དགོས་པའི་གཏོར་རྐྱེན་བཟོ་ཐུབ་ཀྱི་ཡོད་པ་དགུ་བཅུ་གཅིག་གི་དོན་རྐྱེན་དེས་དྲན་བཀུལ་བྱས་ཡོད།
ང་ཚོས་ཡིད་སྐྱོ་བོའི་ངང་དྲན་གསོ་བྱེད་དགོས་པའི་དགུ་བཅུ་གཅིག་གི་དོན་རྐྱེན་དེ་ལས་བློ་སྐྱེད་བསླང་སྟེ་གལ་ཏེ་ཞེ་སྡང་གིས་བསམ་བློའི་གཞན་དབང་དུ་སོང་ན་རང་གཞན་གཉིས་ལ་གནོད་འཚེ་ཇི་འདྲ་བཟོ་བཞིན་ཡོད་པ་ཤེས་པ་བྱས་ཏེ། ཞེ་སྡང་གི་བསམ་བློར་འཛེམས་ཟོན་བྱེད་དགོས། རྐྱེན་ངན་དེས་ངོས་ཀྱིས་རྒྱུན་དུ་ཆོས་ལུགས་དང་མི་རིགས་འདྲ་མིན་དབར་ཕན་ཚུན་ཞི་བདེ་དང་བསམ་ཤེས་ཐོག་འཆམ་མཐུན་ངང་གནས་རྒྱུ་ཧ་ཅང་གལ་ཆེ་ཡིན་པ་དང་། དུས་ཀྱི་དགོས་མཁོ་ཞིག་ཆགས་པའི་ཡིད་ཆེས་བྱེད་བཞིན་པ་དེར་ཆོད་སེམས་སྔར་བས་སྲ་བརྟན་དང་ཡིད་ཆེས་འཕར་མ་ཞིག་བསྐྱེས་བྱུང། དེར་བརྟེན་ཆོས་ལུགས་འདྲ་མིན་ཡོད་པ་དེ་དག་གིས་བྱམས་བརྩེའི་སྤྱི་ཚོགས་ཤིག་དང་ཞི་བདེ་ལྡན་པའི་འཛམ་གླིང་ཞིག་བསྐྲུན་རྒྱུར་ང་ཚོས་འབད་བརྩོན་གང་ཡོང་བྱེད་དགོས། ཞེས་འཁོད་ཡོད།
གསུང་འཕྲིན་ངོ་མ་དབྱིན་ཡིག་ཐོག་སྩལ་བར་ཆ་འཛིན་ཡོང་བ་ཞུ།།
