༢༠༡༡ ཟླ་ ༨ ཚེས་ ༡༧ རེས་གཟའ་ལྷག་པ།
༄༅། །ཕྱི་ལོ་ ༢༠༡༡ ཟླ་ ༨ ཚེས་ ༨ ཉིན་ལྷོ་ཀོ་རི་ཡའི་གྲོང་ཁྱེར་གྷ་ཝང་ཇུར་(Gwanju,Korea)རྟེན་གཞི་བྱས་པའི་གྷ་ཝང་ཇུ་ཨེ་ཤི་ཡའི་འགྲོ་བ་མིའི་ཐོབ་ཐང་གི་སྒྲིག་འཛུགས་( Gwangju Asian Human Rights School )ཀྱིས་འགྲོ་བ་མིའི་ཐོབ་ཐང་སྐོར་གྱི་ཟབ་སྦྱོང་དུ་དབུས་བོད་མིའི་སྒྲིག་འཛུགས་ཀྱི་ཕྱི་དྲིལ་འགྲོ་བ་མིའི་ཐོབ་ཐང་ཚན་པའི་ཉམས་ཞིབ་པ་ཡིད་ཤེས་མཚོ་མོ་ལགས་མཉམ་ཞུགས་གནང་ཡོད། དེ་ཡང་ཟབ་སྦྱོང་དེའི་ཐོག་ཨེ་ཤི་ཡའི་རྒྱལ་ཁབ་ཁག་ ༡༣ ནས་ཁྱོན་མི་གྲངས་ ༢༢ བརྒལ་བས་མཉམ་ཞུགས་གནང་ཡོད། ཟབ་སྦྱོང་བ་ ༢༢ དེ་དག་ནི

་ཆེད་རྩོམ་འགྲན་བསྡུར་གྱི་ལམ་ནས་འདེམས་སྒྲུག་བྱས་འདུག ཟབ་སྦྱོང་འདི་བཞིན་དྲན་རྟེན་དགེ་རྩ་ཚོགས་པས་(Memorial Found

ation) གོ་སྒྲིག་གནང་བ་ཞིག་ཡིན་པ་དང་། ཟབ་སྦྱོང་གི་དམིགས་ཡུལ་གཙོ་བོ་ནི་ཨེ་ཤི་ཡའི་ནང་མང་གཙོ་དང་འགྲོ་བ་མིའི་ཐོབ་ཐང་གོང་འཕེལ་གཏོང་ཆེད་ཡིན་འདུག  ཟབ་སྦྱོང་དེའི་ཐོག་ཟབ་སྦྱོང་བ་ཡོངས་ལ་སོ་སོའི་རྒྱལ་ཁབ་ནང་འགྲོ་བ་མིའི་ཐོབ་ཐང་དང་དམངས་གཙོ་གོང་འཕེ

ལ་གཏོང་ཆེད་ལས་གཞི་དང་འཐབ་བྱུས་སྐོར་གཏམ་བཤད་དང་བགྲོ་གླེང་བྱེད་རྒྱུའི་གོ་སྐབས་བསྐྲུན་ཡོད། སྐབས་དེར་མཚོ་མོ་ལགས་ཀྱིས་བོད་མིའི་སྒྲིག་འཛུགས་ཀྱི་སྐོར་དང། འགྲོ་བ་མིའི་ཐོབ་ཐང་ཚན་པའི་ལས་དོན་སྤེལ་ཕྱོགས་ཐད་ངོ་སྤྲོད་གསུང་བཤད་གནང་ཡོད་པ་མ་ཟད། བོད་ནང་འགྲོ་བ་མིའི་ཐོབ་ཐང་ཇེ་ཞན་ཇེ་སྡུག་ཏུ་འགྲོ་བཞིན་པའི་གནས་སྟངས་སྐོར་འགྲེལ་བརྗོད་གནང་བ་དང་འབྲེལ། ཟབ་སྦྱོང་བ་རྣམས་ཀྱི་དྲི་བར་ལན་འདེབས་ཀྱང་བྱས་ཡོད། ཟབ་སྦྱོང་དེའི་རིང་ཟབ་སྦྱོང་བ་རྣམས་ལྷོ་ཀོ་རི་ཡའི་རྒྱལ་ས་སི་ཨོལ་དང་གྷ་ཝང་ཇུ་གྲོང་ཁྱེར་ནང་ཡོད་པའི་འགྲོ་བ་མིའི་ཐོབ་ཐང་གི་སྒྲིག་འཛུགས་འདྲ་མིན་ཁག་ཏུ་འཁྲིད་རྒྱུ་ཡིན་འདུག འགྲོ་བ་མིའི་ཐོབ་ཐང་སྐོར་གྱི་ཟབ་སྦྱོང་འདི་བཞིན་ཕྱི་ཚེས་ ༨ ནས་ ༢༥ བར་འཚོགས་བཞིན་ཡོད་པ་བཅས།།