༢༠༡༡ ཟླ་ ༧ ཚེས་ ༨ རེས་གཟའ་པ་སངས།
༄༅། །ཕྱི་ལོ་ ༢༠༡༡ ཟླ་ ༧ ཙེས་ ༥ ཉིན་བོད་མི་རྩོམ་པ་པོ་པདྨ་རིན་ཆེན་ནམ་སྨྱུག་མིང་དུ་དུག་ཚེར་ཞེས་པ་བོད་ཁམས་དཀར་མཛེས་རྫོང་གི་བྲག་མགོ་མི་མང་བདེ་འཇགས་ལས་ཁུངས་ཟེར་བས་འཛིན་བཟུང་གིས་ཉེས་རྡུང་ཚད་མེད་བཏང་སྟེ་ས་གནས་སྨན་ཁང་དུ་བསྐྱལ་དགོས་བྱུང་འདུག པདྨ་རིན་ཆེན་གྱིས་འདི་ལོའི་ལོ་འགོར། ལྟོས།
ཞེས་པའི་དཔེ་དེབ་གཅིག་བརྩམས་ཡོད་པ་དང་། དཔེ་དེབ་དེའི་ནང་རྒྱ་ནག་གཞུང་གིས་བོད་ནང་འཛིན་པའི་སྲིད་བྱུས་དེར་སྐྱོན་བརྗོད་ཤུགས་ཆེ་བྱས་ཡོད་པ་མ་ཟད།
ལྷག་པར་ཕྱི་ལོ་ ༢༠༠༨ ལོར་བོད་ནང་ས་བྱི་ཞི་རྒོལ་ཆེན་མོ་བྱུང་རྗེས་བོད་མི་ཞི་རྒོལ་བ་ཚོར་མི་སྤྱོད་ལས་འདས་པའི་དྲག་གནོན་ཚབས་ཆེན་བྱས་སྐོར་དང་བོད་མི་དེ་དག་གི་ཁྲོད་འགའ་ཤས་ལ་དྲི་བ་དྲིས་ལན་བྱས་པ་རྣམས་བྲིས་ཡོད།
ཕྱི་ལོ་ ༢༠༡༠ ལོར་བོད་ཁམས་སྐྱེ་རྒུ་མདོར་ས་ཡོམ་གྱི་གོད་ཆག་ཕོག་རྗེས་རྒྱ་ནག་གཞུང་ནས་ས་གནས་བོད་མིར་ངལ་སེལ་རོགས་སྐྱོབས་ཀྱི་ལས་གཞི་ཁ་ཞེ་གཉིས་མེད་བྱས་མེད་སྐོར་སོགས་སྐྱོན་བརྗོད་ཤུགས་ཆེ་བྱས་ཡོད།
འོན་ཀྱང་དཀར་མཛེས་རྫོང་གི་བྲག་མགོ་མི་མང་བདེ་འཇགས་ལས་ཁུངས་ཟེར་བས་མི་རིགས་འཁོན་དཀྲུག་བཟོ་གཞིར་ཁ་གཡར་ཏེ་ཁོང་འཛིན་བཟུང་བྱས་ཡོད། ད་བར་ཁོང་གི་དཔེ་དེབ་ ༢༠༠༠ ཙམ་བོད་ནང་འགྲེམས་ཟིན་ཡོད་འདུག་པ་བཅས།།
