པར་ལེན་སྐུ་སྒེར་ཡིག་ཚང་གི་པར་པ་ཆོས་འབྱོར་ལགས།
༢༠༡༡ ཟླ་ ༧ ཚེས་ ༡༣ རེས་གཟའ་ལྷག་པ།
༄༅། །ཕྱི་ལོ་ ༢༠༡༡ ཟླ་ ༧ ཚེས་ ༡༢ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རིའི་རྒྱལ་ས་ཝ་ཤིང་ཊོན་གྱི་ཝེ་རའི་ཛོན་ (Verizon Centre) ཚོགས་ཁང་ཆེན་མོའི་ནང་དུ་དཔལ་དུས་ཀྱི་འཁོར་ལོའི་དབང་ཆེན་གྱི་སྟ་གོན་ཆོ་ག་དབུ་འཛུགས་མཛད་རྗེས་ཕྱེད་ཡོལ་རྣམ་གྲྭ་དགེ་འདུན་པ་རྣམས་ཀྱིས་གར་འཆམ་དང་། དེ་བཞིན་བོད་ཀྱི་ཟློས་གར་ཚོགས་པས་གླུ་གར་གྱི་མཆོད་པ་ཕུལ།
པར་ལེན་སྐུ་སྒེར་ཡིག་ཚང་གི་པར་པ་ཆོས་འབྱོར་ལགས།
དེ་རྗེས་༸གོང་ས་མཆོག་ཝེ་རའི་ཛོན་ཚོགས་ཁང་ནས་ཧིལ་ཊོན་མགྲོན་ཁང་(Hilton Hotel) དུ་ཆིབས་སྒྱུར་གྱིས་ཐོག་མར་ཨ་རི་བོད་ཀྱི་རླུང་འཕྲིན་ཁང་ (VOA) གི་རྒྱ་སྐད་སྡེ་ཚན་གྱི་ལས་རིམ་གཙོ་སྐྱོང་བ་ཤིན་ཆེན་(Xin Chen) གྱིས་མགོན་པོ་གང་ཉིད་མཆོག་གིས་ཆབ་སྲིད་ཀྱི་སྐུ་དབང་རྩིས་སྤྲོད་མཛད་པ་དང། བོད་རྒྱ་ཞི་མོལ། རྒྱ་རིགས་ཚོར་བཀའ་སློབ་ཇི་ཡོད། མ་འོངས་རྒྱ་ནག་གི་འགོ་ཁྲིད་གསར་པར་ཞི་ཅིན་ཕིང་ (Xi Jinping) བཅས་ཀྱི་ཐོག་དགོངས་ཚུལ་ཇི་ཡོད་ཀྱི་ཆེད་དོན་དྲི་བར་བཀའ་ལན་སྩལ།
དེ་རྗེས་༸གོང་ས་མཆོག་གིས་དུས་འཁོར་དབང་ཆེན་གོ་སྒྲིག་གནང་མཁན་གྱི་སྦྱིན་བདག་ཚོར་བཟང་སྤྱོད་གལ་ཆེན་པོ་ཡིན་སྐོར་དང།
པར་ལེན་སྐུ་སྒེར་ཡིག་ཚང་གི་པར་པ་ཆོས་འབྱོར་ལགས།
ཁོང་ཚོར་ཆོ་ག་ཕྱག་ལེན་བྱེད་རྒྱུ༜་ཙམ་མིན་པར་རིག་པའི་ལམ་ནས་དཔྱད་པ་བྱས་ཏེ་ནང་ཆོས་ལ་སློབ་སྦྱོང་བྱས་ཏེ་དུས་རབས་ ༢༡ པའི་ནང་པ་ཞིག་ཆགས་དགོས་པའི་བཀའ་སློབ་ཕེབས་ཡོད།
པར་ལེན་སྐུ་སྒེར་ཡིག་ཚང་གི་པར་པ་ཆོས་འབྱོར་ལགས།
ཕྱོགས་མཚུངས་དུས་འཁོར་དབང་ཆེན་འདི་བཞིན་ཨ་རིའི་རྒྱལ་ས་ཝ་ཤིང་ཊོན་དུ་གོ་སྒྲིག་ཞུས་པར་བསྔགས་བརྗོད་མཛད་པ་དང་ཆབས་ཅིག་ཁོང་རྣམས་ཀྱིས་དགེ་བའི་འབྲས་བུ་རྣམས་འགྲོ་བ་རིགས་དྲུག་སེམས་ཅན་ཐམས་ཅད་ལ་བསྔོ་སྨོན་བྱེད་དགོས་པའི་ལམ་སྟོན་བཀའ་སློབ་བཀའ་དྲིན་ཆེ་བ་སྩལ་ཡོད་པ་བཅས།།
