༢༠༡༡ ཟླ་ ༦ ཚེས་ ༡༤ རེས་གཟའ་མིག་དམར།
ཨོ་སི་ཊོ་ལི་ཡའི་ཕྱོགས་འགལ་ཚོགས་པའི་ཚོགས་གཙོ་སྐུ་ཞབས་ཊོ་ནི་ཨེ་བྷོཌ་མཆོག་དང་ལྷན།
༄༅། །ཕྱི་ལོ་ ༢༠༡༡ ཟླ་ ༦ ཚེས་ ༡༤ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཨོ་སི་ཊོ་ལི་ཡའི་གྲོས་ཚོགས་ནང་ཆིབས་སྒྱུར་སྐྱོང་སྐབས་ཕྱོགས་འགལ་ཚོགས་པའི་འགོ་ཁྲིད་ཊོ་ནི་ཨེ་བྷོ་ཊ་་(Tony Abbott) ལགས་ཀྱིས་གཙོས་གནད་ཡོད་འགོ་ཁྲིད་ཁག་གཅིག་གིས་ཕེབས་བསུ་གཟབ་རྒྱས་ཞུས་ཡོད། དེ་བཞིན་མགོན་པོ་གང་ཉིད་མཆོག་གིས་རྒྱལ་ཡོངས་ཚོགས་པའི་འགོ་ཁྲིད་ཝ་རེན་ཊུ་་སི་ (Warren Truss) ལགས་དང། ལྗང་ཁུ་ཚོགས་པའི་འགོ་ཁྲིད་བྷོབ་བྷ་རོན་(Bob Brown) ལགས། ཤེས་ཡོན་བློན་ཆེན་པི་ཊར་གྷ་རེ་ཌ (Peter Gerrett) ལགས་བཅས་དང་ལྷན་མཇལ་འཕྲད་མཛད་ཡོད། དེ་ཡང་༸གོང་ས་མཆོག་གིས་ཨོ་སི་ཊོ་ལི་ཡའི་གྲོས་ཚོགས་སུ་གསར་འགོད་པ་ཚོར་བཀའ་སློབ་ཕེབས་དོན།
ཨོ་སི་ཊོ་ལི་ཡའི་ལྗང་ཁུ་ཚོགས་པའི་དབུ་ཁྲིད་སྐུ་ཞབས་བྷོབ་བྷོ་རོན་མཆོག་དང་ལྷན།
ངོས་རང་ཁུལ་འདིར་ཡོང་རྒྱུའི་དམིགས་ཡུལ་གཙོ་བོ་དེ་འགྲོ་བ་མིའི་རིན་ཐང་གོང་འཕེལ་གཏོང་རྒྱུ་དང་ཆོས་ལུགས་མཐུན་སྒྲིལ་ཆེད་ཡོང་བ་ཡིན། འདི་ག་ཨོ་སི་ཊོ་ལི་ཡའི་སྲིད་བློན་མཆོག་ལ་གལ་ཏེ་ཆོས་འབྲེལ་གྱི་ལས་དོན་ཞུ་དགོས་རིགས་ཡོད་ཚེ་ངོས་དང་ཐུག་ན་ཕན་ཐོགས་ཡོད་ཀྱང་ད་རེས་ཆོས་འབྲེལ་ཕུལ་དགོས་མེད་པར་བརྟེན་དམིགས་བསལ་མཇལ་འཕྲད་ཞུ་དགོས་དོན་མེད་ཅེས་སོགས་ཀྱི་བཀའ་སློབ་སྩལ་ཡོད།
ཕྱེད་ཡོལ་༸གོང་ས་༸སྐྱབས་མགོན་ཆེན་པོ་མཆོག་གིས་ (the Royal Theater National Convention Center) ཞེས་པའི་ཚོགས་ཁང་དུ་ཏཱ་ལའི་བླ་མ་མཆོག་དང་ལྷན་བདེ་སྐྱིད་དང་སྲོག འཚོ་གནས། བརྩེ་བ། བཟོད་བསྲན་བཅས་ཀྱི་སྐོར་བགྲོ་གླེང་། (A Conversation with His Holiness the Dalai Lama on Happiness, Life & Living Love and Forgiveness’ ) ཞེས་པའི་བརྗོད་གཞིའི་ཐོག་མང་ཚོགས་དང་ལྷན་བགྲོ་གླེང་མཛད་ཡོད།
ཨོ་སི་ཊོ་ལི་ཡའི་རྒྱལ་ཡོངས་ཚོགས་པའི་དབུ་ཁྲིད་ཝ་རན་ཊ་སི་མཆོག་དང་ལྷན།
དེ་བཞིན་ཐེངས་འདིའི་ཀེན་བྷེ་རིའི་ཆིབས་སྒྱུར་སྐབས་ས་གནས་དེའི་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ངོས་ནས་སྣེ་ལེན་གཟབ་རྒྱས་ཞུས་ཡོད་པ་མ་ཟད། ངལ་རྩོལ་ཚོགས་པའི་འཐུས་མི་མེ་ཁལ་ཌེན་བྷེ་ (Michael Danby) ལགས་ཀྱིས་གསུང་དོན། དེ་སྔའི་སྲིད་བློན་ཀེ་ཝིན་རུ་ཌི་ (Kevin Rudd) མཆོག་གིས་ཐེངས་འདིར་༸གོང་ས་མཆོག་དང་མཇལ་འཕྲད་མ་གནང་བར་བློ་ཕམ་ཡོད། གང་ཡིན་ཞེ་ན་ཁོང་དེ་སྔ་ཨོ་སི་ཊོ་ལི་ཡའི་སྲིད་བློན་སྐབས་རྒྱ་གཞུང་གི་བཙན་དབང་འོག་དཀའ་སྡུག་མྱོང་བཞིན་པའི་བོད་མི་ཚོའི་ཆེད་གདུང་སེམས་མཉམ་སྐྱེ་ཞུ་མཁན་ཞིག་ཡིན།
རང་དབང་ཚོགས་པའི་སྐུ་ཞབས་ནིཀ་ཛེ་ན་ཕོན་མཆོག་དང་ལྷན།
ཞེས་གསུངས་ཡོད།
