༢༠༡༡ ཟླ་ ༦ ཚེས་ ༢༢ རེས་གཟའ་ལྷག་པ།
༄༅། །ཕྱི་ལོ་ ༢༠༡༡ ཟླ་ ༦ ཚེས་ ༢༨ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཝི་ཏི་ནམ་དད་ལྡན་ཆོས་ཞུ་བ་ཁག་གིས་ཇི་ལྟར་གསོལ་འདེབས་ཞུས་དོན་བཞིན་ཐེག་ཆེན་ཆོས་གླིང་གཙུག་ལག་ཁང་དུ་རྗེ་ཙོང་ཁ་པ་མཛད་པའི་རྟེན་འབྲེལ་བསྟོད་པའི་བཀའ་ཆོས་དང། སྤྱན་རས་གཟིགས་ཀྱི་རྗེས་གནང་སྩལ་རྒྱུ་ཡིན་འདུག ད་ཐེངས་ཀྱི་གསུང་ཆོས་ཉིན་གཅིག་དང་ཕྱེད་ཀའི་རེང་གི་ཆོས་ཐུན་དུས་ཚོད་ནི་ཕྱི་ཚེས་ ༢༨ ཉིན་སྔ་དྲོ་ཆུ་ཚོད་ ༩།༣༠ ནས་ ༡༡།༣༠ བར་དང་། ཉིན་རྒྱབ་ཆུ་ཚོད་ ༡ ནས་ཆུ་ཚོད་ ༣ བར་དང་། ཡང་ཕྱི་ཚེས་ ༢༩ ཉིན་སྔ་དྲོའི་དུས་ཚོད་གཅིག་མཚུངས་དང་། དད་ལྡན་ཆོས་ཞུ་རྣམ་པས་ཆུ་ཚོད་ཕྱེད་ཀའི་སྔོན་ཆོས་རའི་ནང་འཛུལ་བཞུགས་གནང་ཟིན་པ་དགོས་ཀྱི་འདུག་པ་བཅས།