༢༠༡༡ ཟླ་ ༦ ཚེས་ ༡༦ རེས་གཟའ་ཕུར་བུ།
༄༅། །ཕྱི་ལོ་ ༢༠༡༠ ཟླ་ ༦ ཚེས་ ༡༥ དང་རབ་བྱུང་ལྕགས་ཡོས་ས་ག་ཟླ་བའི་ཚེས་ ༡༥ ཉིན་གནས་ཆུང་སྒྲ་དབྱངས་གླིང་དགོན་དུ་སྤྲུལ་པའི་ཆོས་སྐྱོང་རྡོ་རྗེ་གྲགས་ལྡན་རྩལ་ཆེན་མོར་གཏང་རག་གི་གཞུང་འབྲེལ་དབྱར་གསོལ་སྤྱན་འདྲེན་ཞུ་ཡོད།
དེ་ཉིན་སྔ་དྲོ་ཆུ་ཚོད་ ༧ ཐོག་གནས་ཆུང་སྒྲ་དབྱངས་གླིང་གི་འདུ་ཁང་དུ་བཀའ་ཁྲི་ཟམ་གདོང་རིན་པོ་ཆེ་དབུས་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་། བདམས་ཐོན་བཀའ་བློན་ཁྲི་པ་བློ་བཟང་སེང་གེ་མཆོག རང་དབང་ཅན་གྱི་སྡེ་ཚན་ཁག་གི་འགན་འཛིན་རྣམ་པ། ལྷན་ཁང་ཁག་གི་བཀའ་བློན་རྣམ་པ་དང་དྲུང་ཆེ་ཆུང་གི་གཙོས་སྲི་ཞུ་བ་རྣམས་ནས་གཟབ་མཆོར་ལེགས་པར་གྱོན་ཏེ་རྒྱལ་བའི་བསྟན་སྲུང་སྤྲུལ་པའི་ཆོས་སྐྱོང་རྡོ་རྗེ་གྲགས་ལྡན་རྩལ་ཆེན་མོར་གཏང་རག་གི་གཟབ་གསོལ་སྤྱན་འདྲེན་གཟབ་ཞུས་ཡོད།
སྐབས་དེར་ཆོས་སྐྱོང་ཆེན་མོས་དཔལ་ལྡན་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་དང་། བདམས་ཐོན་བཀའ་བློན་ཁྲི་པ་བློ་བཟང་སེང་གེ་མཆོག་རྣམ་གཉིས་ལ་བཀའ་ལུང་ཕེབས་ཡོད། དེ་རྗེས་དེར་བཅར་བའི་མཛད་གཙོ་རྣམས་ཀྱི་གཙོས་སྲི་ཞུ་བ་ཚང་མར་རིམ་པས་མཇལ་ཁ་དང་ཕྱག་ནས་སྩལ་བ་སོགས་མཛད་དེ་དབྱར་གསོལ་སྤྱན་འདྲེན་ལེགས་པར་གྲུབ་པ་བཅས།
