༢༠༡༡ ཟླ་ ༦ ཚེས་ ༢ རེས་གཟའ་ཕུར་བུ།
༄༅། །ཕྱི་ལོ་ ༢༠༡༡ ཟླ་ ༥ ཚེས་ ༣༠ ནས་ཟླ་ ༦ ཚེས་ ༡༧ བར་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་འགྲོ་བ་མིའི་ཐོབ་ཐང་གི་གནས་སྟངས་ཐོག་རྒྱུན་ལྡན་གྱི་ལྷན་ཚོགས་དེ་བཞིན་འཚོགས་བཞིན་པའི་སྐབས་དང་བསྟུན།  འཇིགས་ཉེན་མི་རིགས་སྲུང་སྐྱོབ་ཚོགས་པའི་སྐུ་ཚབ་བོད་མི་བསྟན་འཛིན་བསམ་འཕེལ་ཀེ་ཏ་ལགས་ཀྱིས་འཛམ་གླིང་མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་གཙོ་ལྕམ་སྐུ་ན་ཝི་པི་ལེ་མཆོག་ (Navi Pillay) ལ་འབོད་སྐུལ་ཞུས་དོན་གཙོ་བོ་ནི། བོད་མདོ་སྨད་རྔ་པ་ཀིརྟི་དགོན་པའི་ནང་ཕྱི་ལོ་ ༢༠༡༡ ཟླ་ ༣ ཚེས་ ༡༦ ཉིན་ནས་རྒྱ་ནག་གཞུང་གིས་དམ་བསྒྲགས་བྱེད་འགོ་བཙུགས་ཏེ་ད་བར་ས་གནས་བོད་མི་ཚོར་རྒྱ་ནག་གཞུང་གི་སྐོར་སྲུང་དམག་མིའི་འོག་དངོས་ཡོད་དཀའ་སྡུག་ཇི་འདྲ་མྱོང་བཞིན་པའི་གནས་ཚུལ་རྣམས་ཞིབ་ཕྲ་གསལ་བཤད་ཞུས་ཡོད། གཞན་ཡང་ཁོང་གིས་ཚོགས་འདུའི་སྐབས་ཀིརྟི་དགོན་པའི་དགེ་འདུན་པ་གྲངས་ ༣༠༠ ཙམ་རྒྱ་གཞུང་སྐོར་སྲུང་དམག་མིས་ཕྱི་ཟླ༌ ༤ ཚེས་ ༢༡ མཚན་མོར་བཙན་འཁྲིད་བྱས་ཏེ་ད་ཆ་གར་སོང་ཆ་མེད་ཀྱི་གནས་སུ་གྱུར་ཡོད། རྒྱ་ནག་གཞུང་གིས་འཛམ་གླིང་མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་གཙོ་མཆོག་ལ་མགྲོན་འབོད་གནང་བ་ལྟར་ད་རེས་གོ་སྐབས་དེ་བཟུང་སྟེ་འབྲེལ་ཡོད་བོད་ཀྱི་ས་ཁུལ་ཚང་མའི་ནང་བོད་མི་ཚོའི་དངོས་ཡོད་གནས་སྟངས་ཇི་ཡིན་རྟོག་ཞིབ་ཚོགས་ཆུང་གཏོང་དགོས་པའི་རེ་འདུན་ཡང་བཏོན་ཡོད་པ་བཅས།།