༢༠༡༡ ཟླ་ ༥ ཚེས་ ༢༧ རེས་གཟའ་པ་སངས།
༄༅། །འཛམ་གླིང་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཁང་གི་འགྲོ་བ་མིའི་ཐོབ་ཐང་གི་ཆེད་ལས་པ་སྐུ་ཚབ་འཐུས་མི་བཞིས་རྒྱ་ནག་གཞུང་ལ་བོད་བྱང་ཤར་ས་ཁུལ་དུ་བོད་རིགས་སློབ་གྲྭ་ཁག་གི་ནང་བོད་སྐད་ཐོག་སློབ་ཚན་རྣམས་སློབ་ཁྲིད་བྱ་རྒྱུར་དམ་བསྒྲགས་བྱེད་རྒྱུ་མཚམས་འཇོག་དགོས་པའི་ཛ་དྲག་གི་འབོད་སྐུལ་ཞིག་གནང་བའི་ནང་འཁོད་དོན། རྒྱ་ནག་གཞུང་གིས་བོད་རིགས་ས་ཁུལ་ཁག་གི་སློབ་གྲྭའི་ནང་སློབ་ཚན་རྣམས་བོད་སྐད་ཐོག་སློབ་ཁྲིད་བྱ་རྒྱུར་དམ་བསྒྲགས་བྱས་པ་དེ་བོད་རིགས་ཚོའི་སེམས་ལ་ཕོག་ཐུག་འགྲོ་རྒྱུ་མ་ཟད། སྤྱིར་བཏང་བོད་སྐད་ཉམས་ཆག་འགྲོ་ངེས་ཡིན།  དེ་བཞིན་བོད་ཀྱི་སྐད་ཡིག་ལ་དམ་བསྒྲགས་བྱས་པ་དེས་བོད་རིགས་སློབ་ཕྲུག་ཚོར་རང་གི་ཕ་མེས་ཀྱི་སྐད་ཡིག་ལ་གཞི་བཅོལ་བའི་ལེགས་བྱང་རྒྱུན་འཛིན་ཐུབ་མིན་ཐད་ང་ཚོར་སེམས་འཚབ་ཡོད། དེ་ལས་ལྡོག་སྟེ་གལ་ཏེ་བོད་རིགས་སློབ་ཕྲུག་ཚོར་བོད་རྒྱའི་སྐད་ཡིག་གཉིས་ལ་སློབ་སྦྱོང་གི་གོ་སྐབས་ཐོབ་ཚེ་སྐད་ཡིག་གཉིས་ལ་སྦྱངས་ཤ་ཆགས་རྒྱུ་མ་ཟད། བོད་རིགས་སློབ་ཕྲུག་ཚོས་རང་གི་ཕ་མེས་ཀྱི་ལེགས་བྱང་རྒྱུན་འཛིན་ཐུབ་པ་ཞིག་ཡོང་ངེས་ཡིན།   ཞེས་སོགས་འཁོད་ཡོད་པ་བཅས།།