༢༠༡༡ ཟླ་ ༥ ཚེས་ ༢༨ རེས་གཟའ་སྤེན་པ།
༄༅། །གོ་ལའི་གླིང་ཆེན་དྲུག་གི་ནང་བོད་དོན་རྒྱབ་སྐྱོར་གྱི་ཚོགས་པ་ ༡༨༣ ཙམ་ལས་གྲུབ་པའི་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པས་འཛམ་གླིང་རྒྱལ་ཁབ་འདྲ་མིན་གྱི་སྲིད་གཞུང་སོ་སོས་བོད་མདོ་སྨད་རྔ་པ་ཀིརྟི་དགོན་པའི་ནང་དམ་བསྒྲགས་བྱེད་བཞིན་པ་དེ་འཕྲལ་དུ་མཚམས་འཇོག་དགོས་པའི་རྒྱ་ནག་གཞུང་ལ་འབོད་སྐུལ་གནང་རོགས་ཞེས་ཛ་དྲག་གི་ཞུ་སྙན་ཕུལ་ཡོད། བོད་དོན་ཆེད་ལས་འགུལ་གནང་མཁན་གྱི་ཚོགས་པ་ ༢༠༠ བརྒལ་བས་མཚན་རྟགས་བཀོད་པའི་ཞུ་སྙན་དེའི་ནང་འཁོད་དོན། འཛམ་གླིང་དབུ་ཁྲིད་ཚོས་རྔ་པ་ཀིརྟི་དགོན་པ་ནས་རྒྱ་མིའི་སྐོར་སྲུང་དམག་དཔུང་ཕྱིར་འཐེན་དང་འཛིན་བཟུང་བྱས་པའི་དགེ་འདུན་པ་རྣམས་ཆ་རྐྱེན་གང་ཡང་མེད་པའི་ཐོག་གློས་བཀྲོལ་ཡོང་རྒྱུ་མ་ཟད། དངོས་ཡོད་གནས་ཚུལ་རྟོགས་ཞིབ་ཆེད་རྔ་པ་ཀིརྟི་དགོན་པའི་ནང་རང་དབང་ཅན་གྱི་རྒྱལ་སྤྱིའི་རྟོག་ཞིབ་པ་དང་གསར་འགོད་པ་གཏོང་དགོས་པའི་རྒྱ་ནག་གཞུང་ལ་འབོད་སྐུལ་གནང་རོགས་ཞེས་འཁོད་ཡོད། ཕྱོགས་མཚུངས་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པས་རྔ་པའི་ལས་འགུལ། ཞེས་བདུན་ཕྲག་གཅིག་རིང་རྔ་པ་ཀིརྟི་དགོན་པའི་གནས་སྟངས་ལ་གདུང་སེམས་མཉམ་སྐྱེའི་ཐོག་རྒྱབ་སྐྱོར་གྱི་ལས་འགུལ་འདྲ་མིན་སྤེལ་རྒྱུ་ཡིན་འདུག་པ་བཅས།།
རྔ་པ་ཀིརྟི་དགོན་པའི་ནང་རང་དབང་ཅན་གྱི་རྒྱལ་སྤྱིའི་རྟོག་ཞིབ་པ་དང་གསར་འགོད་པ་གཏོང་དགོས།
གསར་གནས།
འབྲེལ་གནས།
