༢༠༡༡ ཟླ་ ༥ ཚེས་ ༢༦ རེས་གཟའ་ཕུར་བུ།
༄༅། །ཕྱི་ལོ་ ༢༠༡༡ ཟླ་ ༥ ཚེས་ ༢༦ ཉིན་བཞུགས་སྒར་བོད་གཞུང་བདེ་ལེགས་སྨན་ཁང་གི་ཡང་སྟེང་དུ་བདེ་ལེགས་སྨན་ཁང་གིས་རྡ་ཤོད་ཡུལ་མིའི་མི་མང་སྨན་ཁང་དུ་ས་གནས་ཡུལ་མིར་ཕན་ཐོགས་དང་མཐུན་སྒྲིལ་ཆེད་མིག་གཤག་བཅོས་བྱས་རྗེས་གཙང་མ་བཟོ་བྱེད་ཀྱི་འཕྲུལ་ཆས་ཤིག་ཞལ་འདེབས་སུ་གནང་བའི་གསལ་བསྒྲགས་སྤེལ་ཡོད།
དེ་ཉིན་སྔ་དྲོ་ཆུ་ཚོད་ ༡༢ ཐོག་ཕྱི་ལུགས་སྐུའི་བླ་སྨན་ཚེ་བརྟན་རྡོ་རྗེ་ལགས་དང། ཉི་ཧོང་སེང་གེ་ཚོགས་པའི་སྐུ་ཞབས། Hiroshi Mashio  ལགས་ Takashi kashiwase སྐུ་ཚབ་ཉི་ཧོང་མིག་གི་ཆེད་ལས་སྨན་པ་ Mitsu Kashiwaseབཅས་འབྲེལ་ཡོད་ལས་བྱེད་དང། དེ་བཞིན་གསར་འགོད་པ་ལྷན་འཛོམས་ཐོག་སྐུའི་བླ་སྨན་ཚེ་བརྟན་རྡོ་རྗེ་ལགས་ཀྱིས་གསུང་དོན། ཐོག་མར་ཉི་ཧོང་སྨན་པའི་རྒྱབ་སྐྱོར་ཚོགས་པ་ AOCA ནས་བཙན་བྱོལ་བོད་མིར་མིག་ནད་བཅོས་ཐབས་ཆེད་དུ་རྒྱབ་སྐྱོར་གནང་མུས་ཡིན་ཀྱང་། བདེ་ལེགས་སྨན་ཁང་ངོས་ནས་བརྒྱ་ཆ་དགུ་བཅུའི་མིག་ནད་རྒྱ་གར་ཡུལ་མི་ཆགས་དུས་ཁྱབ་ཆེ་བར་ཕན་ཐོགས་སླད་ཉི་ཧོང་གི་མིག་ནད་ཆེད་ལས་ཀྱི་སྨན་པ་སྐུ་ཞབས་ Mitsu Kashiwase ལགས་ཀྱི་གཙོས་སྨན་དོན་རྒྱབ་སྐྱོར་ཚོགས་པ་ཞིག་ཡོད་པ་དེས་བཙན་བྱོལ་བོད་པའི་སྤྱི་ཚོགས་ལ་རྒྱབ་སྐྱོར་བྱས་ཏེ་ལོ་ལྟར་སྐོར་སྐྱོད་ཀྱིས་ལོ་བཅུ་གཅིག་ཙམ་འགྲོ་གི་ཡོད། དེའི་འབྲེལ་བའི་ཐོག་ནས་འདི་ལོ་ཉི་ཧོང་སེང་གེ་ཚོགས་པ་ནས་རྒྱབ་སྐྱོར་གནང་བའི་མིག་གི་ལིང་ཏོག་གཤག་བཅོས་བྱས་རྗེས་གཙང་མ་བཟོས་ཆེད་ཀྱི་འཕྲུས་ཆས་ཤིག་ཞལ་འདེབས་གནང་བ་གཅིག་རྡ་ཤོད་ཡུལ་མིའི་མི་མང་སྨན་ཁང་དུ་ཡུལ་མིར་ཕན་ཐོགས་དང་མཐུན་སྒྲིལ་ཆེད་ཞལ་འདེབས་སུ་ཕུལ་བ་ཞེས་གསུངས་རྗེས་ཉི་ཧོང་སྐུ་ཚབ་རྣམ་པས་དགོས་དམིགས་བཅས་ངོ་སྤྲོད་གནང་སྟེ་གྲོལ།