༢༠༡༡ ཟླ་ ༥ ཚེས་ ༢ རེས་གཟའ་ཟླ་བ།
ཁེ་ཎ་ཌའི་སྐུ་ཚབ།
༄༅། །བཙན་བྱོལ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་རྒྱ་རི་སྒྲོལ་མ་མཆོག་དང་སྤྱི་འཐུས་སྐལ་བཟང་རྒྱལ་མཚན་ལགས། སྤྱི་འཐུས་སློབ་དཔོན་བསོད་ནམས་བསྟན་འཕེལ་ལགས།
ཅེཀ་སྤྱི་མཐུན་རྒྱལ་ཁབ་ཀྱི་སྐུ་ཚབ།
སྤྱི་འཐུས་ཚེ་རིང་གཡུ་སྒྲོན་ལགས་བཅས་ཀྱིས་ཕྱི་ལོ་ ༢༠༡༡ ཟླ་ ༤ ཚེས་ ༢༨ ཉིན་རྒྱ་གར་གྱི་རྒྱལ་ས་ལྡི་ལིའི་ནང་རྟེན་གཞི་བྱས་པའི་ཕ་རན་སི་དང་ཌན་མཀ དབྱིན་ཇི། ཁེ་ཎ་ཌ། པོ་ལན་ཌི། བྷེལ་ཇམ། ཨོ་སི་ཊི་ཡ། ཨོ་སོ་ཊོ་ལི་ཡ། ཨ་རི། ཅེཀ་སྤྱི་མཐུན་རྒྱལ་ཁབ། ཇར་མན་ནི། ནོར་ཝེ།
ཡོ་རོབ་སྤྱི་མཐུན་ལྷན་ཁང་བཅས་རྒྱལ་ཁབ་བདུན་ཙམ་གྱི་གཞུང་ཚབ་ཁག་སོ་སོར་ངོ་བཅར་གྱིས་བོད་མདོ་སྨད་རྔ་པ་ཀིརྟི་དགོན་པའི་ཛ་དྲག་གི་གནས་སྟངས་ཇི་ཡིན་ཁ་གསལ་འཁོད་པའི་འབོད་སྐུལ་གྱི་ཞུ་སྙན་དོན་ཚན་གསུམ་ཅན་ཞིག་ཕུལ་བའི་ནང་དོན་གཙོ་བོ་ནི།
ཡོ་རོབ་སྤྱི་མཐུན་རྒྱལ་ཁབ་ཀྱི་སྐུ་ཚབ།
༡༽ ཀིརྟི་དགོན་པའི་ནང་འགྲོ་བ་མིའི་ཐོབ་ཐང་ལ་སྲུང་བརྩི་ཞུ་རྒྱུ་དང་། ད་ཆ་ཀིརྟི་དགོན་པའི་གནས་སྟངས་ཞི་འཇམ་ཡོང་ཆེད་འབྲེལ་ཡོད་རྒྱལ་ཁབ་སོ་སོའི་རྒྱ་ནག་གི་རྒྱལ་ས་པེ་ཅིང་དུ་ཡོད་པའི་ཕྱི་འབྲེལ་ལས་ཁུངས་བརྒྱུད་འཕྲལ་མར་ཀིརྟི་དགོན་པའི་ནང་སྐུ་ཚབ་ཆེད་རྫོངས་ཀྱིས་དངོས་ཡོད་གནས་སྟངས་ཇི་ཡིན་རྟོག་ཞིབ་གནང་རྒྱུ་དང་།
ཌན་མཀ་སྐུ་ཚབ།
༢༽ སྐུ་ཉིད་ཀྱི་རྒྱལ་ཁབ་ནང་གསར་འགྱུར་རང་དབང་ལ་རྒྱབ་སྐྱོར་ཞུ་བཞིན་ཡོད་པ་ལྟར་རྔ་པས་གཙོས་བོད་ཀྱི་ས་གནས་གཞན་ཁག་ཏུ་གསར་འགོད་པ་གཏོང་ཐབས་གནང་རྒྱུ།
ཌན་མཀ་སྐུ་ཚབ།
༣༽ སྐུ་ཉིད་ཀྱི་སྲིད་གཞུང་ནས་རྒྱ་ནག་མི་དམངས་སྤྱི་མཐུན་རྒྱལ་ཁབ་ལ་ཀིརྟི་དགོན་པའི་དགེ་འདུན་པ་རྣམས་དགོན་པར་ཕྱིར་ལོག་ཆོག་པ་དང་སྦྲགས་དགེ་འདུན་པ་རྣམས་ལ་ཆོས་ཕྱོགས་ཀྱི་བྱེད་སྒོ་རྣམས་རྒྱུན་ལྡན་ལྟར་བྱེད་རྒྱུའི་རང་དབང་ལ་སྲུང་བརྩི་ཞུ་རྒྱུའི་འབོད་སྐུལ་གནང་རོགས།
ཞེས་སོགས་འཁོད་ཡོད།།
