༢༠༡༡ ཟླ་ ༥ ཚེས་ ༥ རེས་གཟའ་ཕུར་བུ།
༄༅། །འདི་གར་ཐེ་ཝན་བོད་གཞུང་སྐུ་ཚབ་དོན་ཁང་ནས་བཏང་གནས་ནང་འཁོད་དོན། ཕྱི་ལོ་ ༢༠༡༡ ཟླ་ ༥ ཚེས་ ༤ ཉིན་བོད་དོན་རྒྱབ་སྐྱོར་གནང་མཁན་ཐེ་ཝན་གྲོས་ཚོགས་འཐུས་མི་ལྕམ་ཐན་ཆིའུ་ཇིན་ལགས་ཀྱིས་གོ་སྒྲིག་ཞུས་པ་བརྒྱུད། ཐེ་ཝན་བོད་ཀྱི་གྲོགས་པོའི་མཐུན་ཚོགས་དང་། རྒྱལ་སྤྱིའི་སློབ་ཕྲུག་བོད་དོན་རྒྱབ་སྐྱོར་ཚོགས་པ་ཐེ་ཝན་ཡན་ལག ཐེ་སྡོད་བོད་རིགས་ཚོགས་པ། ས་གནས་བོད་ཀྱི་གཞོན་ནུ་ལྷན་ཚོགས། ས་གནས་བོད་ཀྱི་བུད་མེད་ལྷན་ཚོགས་བཅས་ཀྱི་ཚོགས་མི་རྣམས་ཐེ་ཝན་རྒྱ་ནག་སྐམ་ས་ལས་དོན་ལྷན་ཁང་དུ་བཅར་ཏེ་འགན་འཛིན་གཞོན་པ་སྐུ་ཞབས་ཀྲའོ་ཅན་མིན་ལགས་དང་མཇལ་འཕྲད་ཞུས་ནས། བོད་རྔ་པ་ཁུལ་དམ་བསྒྲགས་གནས་སྟངས་ཛ་དྲག་ཏུ་འགྲོ་བཞིན་ཡོད་པ་དེར། ཐེ་ཝན་གཞུང་ནས་གདུང་སེམས་མཉམ་སྐྱེ་གནང་སྟེ་ཐད་ཀར་རྒྱ་ནག་གཞུང་ལ་སྐྱོན་བརྗོད་གནང་དགོས་པ་དང་། དེ་བཞིན་ཡིག་ཐོག་དོན་ཚན་གསུམ་འཁོད་པའི་ཞུ་སྙན་ཞིག་ཕུལ་བའི་ནང་། ༡༽ བོད་ཀིརྟི་དགོན་པར་ཉེན་རྟོག་དམག་མིས་དྲག་གནོན་བྱེད་བཞིན་པ་འཕྲལ་དུ་མཚམས་འཇོག་དགོས་པ། ༢༽ འཛིན་བཟུང་བྱས་པའི་དགེ་འདུན་པ་སུམ་བརྒྱ་ལྷག་ཡོད་པ་རྣམས་གློད་བཀྲོལ་དགོས་པ། ༣༽ རྒྱལ་སྤྱིའི་གསར་འགོད་པ་ས་གནས་ས་ཐོག་ཏུ་གནས་ཚུལ་དངོས་ཤེས་རྟོགས་ཆེད་གཏོང་དགོས་པའི་ཞུ་སྐུལ་གནང་ཡོད་པ་བཅས།།
ཐེ་ཝན་བོད་དོན་རྒྱབ་སྐྱོར་ཚོགས་པ་ཁག་ནས་བོད་རྔ་བ་ཁུལ་གྱི་ཛ་དྲག་གནས་སྟངས་འགྲེལ་བརྗོད་སླད་གཞུང་གི་དཔོན་རིགས་མཇལ་འཕྲད་ཞུས་པ།
གསར་གནས།
འབྲེལ་གནས།
