༢༠༡༡ ཟླ་ ༤ ཚེས་ ༡ རེས་གཟའ་པ་སངས།
༄༅། འདི་གར་ཨ་རིའི་བོད་གཞུང་སྐུ་ཚབ་དོན་ཁང་ནས་ཟུང་དྲུང་ཀུན་དགའ་བཀྲིས་ལགས་ཀྱིས་བཏང་ནས་ནང་འཁོད་དོན། ཕྱི་ལོ་ ༢༠༡༠ ཟླ་ ༤ ཚེས་ ༡ ནས་ ༢༠༡༡ ཟླ་ ༣ ཚེས་ ༣༡ བར་གྱི་རྩིས་ལོ་འདིའི་ནང་། བྱང་ཨ་རིའི་ཁྱབ་ཁོངས་བོད་མིའི་ཁྲོད་ནས་བཙན་བྱོལ་བོད་མིའི་རང་དབང་གཅེས་འཛིན་དང་བླང་དཔྱ་དངུལ་ལག་དེབ་དང་བླང་དཔྱ་དེབ་ཞེས་བསྡུ་རྒྱུ། གསར་བཟོའི་ཞུ་སྙན་བོད་གཞུང་ཨ་རིའི་སྐུ་ཚབ་དོན་ཁང་བརྒྱུད་དཔལ་འབྱོར་ལས་ཁུངས་སུ་བཏང་བ་གྲངས་ ༧༩༢ དང་། དཔལ་འབྱོར་ལས་ཁུངས་ནས་ཞིབ་འཇུག་དང་འབྲེལ་དང་བླང་དཔྱ་དེབ་གསར་བཟོ་གནང་ཟིན་པ་གྲངས་ ༥༦༥ བྱུང་ཞིང་། ཆ་རྐྱེན་ཚང་མིན་དབང་གིས་ཞུ་སྙན་ཕྱིར་སློག་བྱུང་བ་ལྟར་ས་གནས་སྤྱི་མཐུན་ཚོགས་པར་མཇུག་སྣོན་ཆེད་བཏང་ཟིན་པ་གྲངས་ ༡༤༤ ད་ལྟ་ཞུ་སྙན་ཐོག་ལས་དོན་བྱེད་བཞིན་པ་གྲངས་ ༨༣ བྱུང་ཡོད།
ཡང་དང་བླང་དཔྱ་དེབ་བོར་བརླག་སོང་བ་དང་། ནོར་བཅོས་ཡོང་བའི་ཞུ་སྙན་འདི་ནས་དཔལ་འབྱོར་ལས་ཁུངས་སུ་བཏང་བ་གྲངས་ ༩༣ ཁྲོད་ནས་བོར་བརླག་སོང་ཚབ་གསར་བཟོ་དང་། ནོར་བཅོས་ཀྱིས་དཔྱ་དེབ་གསར་བཟོ་གནང་བ་གྲངས་ ༥༥ བྱུང་ཞིང་། ད་ལྟ་ཞུ་སྙན་ཐོག་ལས་དོན་བྱེད་བཞིན་པ་གྲངས་ ༣༨ བྱུང་ཡོད།
ཕྱི་ལོ་ ༢༠༡༠ ཟླ་ ༤ ཚེས་ ༡ ནས་ ༢༠༡༡ ཟླ་ ༣ ཚེས་ ༣༡ བར་གྱི་རྩིས་ལོ་འདིའི་ནང་བྱང་ཨ་རིའི་བོད་མིས་དང་བླང་དཔྱ་དངུལ་ཕུལ་འབྱོར་བྱུང་བའི་བསྡོམས་འབོར་ཨ་སྒོར་དགུ་འབུམ་བརྒྱད་ཁྲི་དགུ་སྟོང་བརྒྱ་མེད་བཞི་བཅུ་ཞེ་བརྒྱད་དང་པད་གྱ་ལྔ་༩༨༩༠༤༨།༨༥ བྱུང་ཡོད་པ་བཅས་རྒྱ་ཆེའི་མི་མང་གི་མཁྱེན་རྟོགས་ཆེད་དུ་ཡིན་འདུག་པ་བཅས།།
