༢༠༡༡ ཟླ་ ༤ ཚེས་ ༡༡ རེས་གཟའ་ཟླ་བ།
༄༅། །ཕྱི་ལོ་ ༢༠༡༡ ཟླ་ ༤ ཚེས་ ༩ ཨོ་སི་ཊོ་ལི་ཡའི་ཕྱི་སྲིད་བློན་ཆེན་(Kevin Rudd)ཀིཝིན་རུ་ཌེ་ལགས་ཀྱིས་ཡུལ་དེའི་(Bris Bane)སྦར་སི་བན་གྱི་གྲོང་ཁྱེར་ནང་རྒྱ་ནག་གི་དཔོན་རིགས་ཅཱ་ཆི་ལིན་དང་ལྷན་ཡུལ་གྲུ་གཉིས་དབར་གྱི་འབྲེལ་ལམ་ཐོག་གླེང་མོལ་གནང་སྐབས་བོད་མི་རིགས་དང་ཡུ་གུར་ཤིན་ཅང་མི་རིགས་ཀྱི་འགྲོ་བ་མིའི་ཐོབ་ཐང་ཐོག་གླེང་མོལ་གནང་ཡོད།
དེ་ཡང་ཨོ་སི་ཊོ་ལི་ཡའི་ཕྱི་སྲིད་བློན་ཆེན་གྱི་མགྲིན་ཚབ་པས་ཚེས་ ༡༠ ཉིན་གསར་འགོད་པར་གསུང་དོན། ཕྱི་ཚེས་ ༩ ཉིན་ཨོ་སི་ཊོ་ལི་ཡའི་ཕྱི་སྲིད་བློན་ཆེན་མཆོག་གིས་ཡུལ་དེའི་ནང་གཞུང་དོན་དུ་བསླེབས་པའི་རྒྱ་ནག་གི་དཔོན་རིགས་ཅཱ་ཆི་ལིན་དང་ལྷན་ཡུལ་གྲུ་གཉིས་དབར་གྱི་འབྲེལ་ལམ་ཐོག་བཀའ་བསྡུར་གནང་སྐབས་རྒྱ་ནག་གཞུང་གི་དྲག་གནོན་འོག་དཀའ་ངལ་ཚད་མེད་མྱངས་དང་མྱོང་བཞིན་ཡོད་པའི་བོད་ནང་གི་བོད་མི་ཚོ་དང་ཤིན་ཅང་ཡུ་གུར་མི་མང་གི་འགྲོ་བ་མིའི་ཐོབ་ཐང་ཐོག་གླེང་མོལ་གནང་ཡོད། རྒྱ་ནག་དང་ཨོ་སི་ཊོ་ལི་ཡའི་གཞུང་གཉིས་ཀྱིས་འགྲོ་བ་མིའི་ཐོབ་ཐང་ཐོག་འཛིན་པའི་ལངས་ཕྱོགས་ཐ་དད་ཡིན་རུང་གནད་དོན་དེའི་ཐད་རྒྱལ་ཁབ་གཉིས་དབར་གྲོས་མོལ་མུ་མཐུད་མཇུག་སྐྱོང་གནང་རྒྱུའི་མོས་མཐུན་བྱུང་ཡོད་ཅེས་འགྲེལ་བརྗོད་གནང་ཡོད། དེ་བཞིན་ཚེས་ ༧ ཉིན་ཨོ་སི་ཊོ་ལི་ཡའི་སྲིད་བློན་ལྕམ་སྐུ་(Julia Gillard)ཇུ་ལི་ཡཱ་གི་ལིར་ཌ་ལགས་ཀྱིས་ཅཱ་ཆི་ལིན་དང་ཐུག་འཕྲད་གནང་སྐབས་སུའང་བོད་དང་ཡུ་གུར་མི་རིགས་ཀྱི་འགྲོ་བ་མིའི་ཐོབ་ཐང་གི་གནད་དོན་ཐོག་གླེང་མོལ་གནང་ཡོད་པ་བཅས། །
བོད་དང་ཡུ་གུར་མི་རིགས་ཀྱི་འགྲོ་བ་མིའི་ཐོབ་ཐང་སྐོར་ལ་ཨོ་སི་ཊོ་ལི་ཡའི་ཕྱི་སྲིད་བློན་ཆེན་མཆོག་གིས་རྒྱ་ནག་གི་དཔོན་རིགས་ཅཱ་ཆི་ལིན་དང་ལྷན་གླེང་མོལ་གནང་བ།
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)