༢༠༡༡ ཟླ་ ༤ ཚེས་ ༢༧ རེས་གཟའ་ལྷག་པ།
༄༅། །ཕྱི་ལོ་ ༢༠༡༡ ཟླ་ ༥ ཚེས་ ༤ རེས་གཟའ་ལྷག་པའི་ཉིན་ཨ་རིའི་གྲོང་ཁྱེར་ཁལ་ལི་ཕོར་ནི་ཡའི་ལོང་བྷི་ཆི་གླིང་ཕྲན་དུ་ (Long Beach,California)  རྒྱལ་སྤྱིའི་ཉེས་ཡངས་ཚོགས་པ་བཙུགས་ཏེ་ལོ་ངོ་ ༥༠ འཁོར་བའི་དུས་དྲན་དང་སྟབས་བསྟུན་ཚོགས་པ་དེས་འགྲོ་བ་མིའི་ཐོབ་ཐང་ཐོག་འོད་སྣང་འཕྲོ་བ་ (Shine a light on Human Rights) ཞེས་པའི་གཟེངས་རྟགས་དེ་༸གོང་ས་༸སྐྱབས་མགོན་ཆེན་པོ་མཆོག་ལ་འབུལ་ལམ་ཞུ་རྒྱུ་ཡིན་འདུག དེ་ཡང་ཚོགས་པ་དེའི་དྲ་རྒྱའི་ནང་འཁོད་དོན། བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་གིས་སྤྱི་ཚོགས་ནང་དྲང་བདེན་དང་འགྲོ་བ་མིའི་ཐོབ་ཐང་ཆེད་སྐུ་ཚེ་ཧྲིལ་པོའི་རིང་མཛད་ཁུར་རྒྱ་ཆེ་བཞེས་པ་དེར་ཆེ་མཐོང་ཞུ་ཆེད་ཨ་རིའི་ནང་རྟེན་གཞི་བྱས་པའི་རྒྱལ་སྤྱིའི་ཉེས་ཡངས་ཚོགས་པས་འགྲོ་བ་མིའི་ཐོབ་ཐང་གི་གཟེངས་རྟགས་ཐེངས་དང་པོ་དེ་འབུལ་ལམ་ཞུ་རྒྱུ་བྱུང་བར་ང་ཚོར་ཆེ་མཐོང་ཐོབ་པ་ཞིག་བྱུང་ཞེས་སོགས་གསལ་འདུག་པ་མ་ཟད། མཛད་སྒོའི་སྐབས་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་སློབ་ཀྱང་སྩལ་གནང་མཛད་རྒྱུ་ཡིན་འདུག་པ་བཅས།།