༢༠༡༡ ཟླ་ ༤ ཚེས་ ༡༥ རེས་གཟའ་པ་སངས།
༄༅། །ཕྱི་ལོ་ ༢༠༡༡ ཟླ་ ༤ ཚེས་ ༡༣ ནས་འགོ་འཛུགས་ཀྱིས་ཉིན་གྲངས་གསུམ་རིང་ཅེཀ་སྤྱི་མཐུན་རྒྱལ་ཁབ་ཀྱི་རྒྱལ་ས་པཱ་རག་ནང་བོད་ཀྱི་གློག་བརྙན་དུས་སྟོན་ཐེངས་ལྔ་པ་དེ་ཚོགས་ཡོད།
དེ་ཡང་གོང་ཚེས་ཉིན་གོ་སྒྲིག་ཚོགས་ཆུང་ནང་ཡོད་པའི་སྐུ་ཞབས་མཱ་ཁ་སི་ལགས་ཀྱིས་གསུངས་བའི་ནང་། བོད་རྒྱལ་ཁབ་དང་བོད་མི་རིགས་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་རྣམས་འཛམ་གླིང་གི་ཡུལ་གྲུ་གཞན་དང་དུས་ཡུན་རིང་པོར་འབྲེལ་དུ་ལུས་ཡོད་པའི་རྒྱུ་མཚན་གྱི་ད་ཆ་བོད་ཀྱི་ཐུན་མིན་ཆོས་དང་རིག་གཞུང་དེ་གནས་ཐུབ་པ་དང་ང་ཚོའི་མཐོང་ཆོས་སུ་གྱུར་ཡོད། འོན་ཀྱང་དེང་སྐབས་བོད་དེ་རྒྱ་གཞུང་གིས་བཙན་བཟུང་བྱས་ཏེ་བོད་མི་རྣམས་དཀའ་ངལ་མང་དག་ཅིག་གི་འོག་གནས་ཡོད་པ་མ་ཟད། རྒྱ་ནག་གཞུང་གིས་བོད་ཀྱི་རིག་གཞུང་རྩ་མེད་བཏང་དང་གཏོང་བཞིན་ཡོད། དེར་བརྟེན་ང་ཚོས་བོད་ཀྱི་རྩ་ཆེན་རིག་གཞུང་དེ་དག་སྲུང་སྐྱོབ་དང་རྒྱ་གཞུང་གི་བྱ་སྤྱོད་ལ་ཁ་གཏད་གཅོག་ཆེད་བོད་ཀྱི་གློག་བརྙན་དུས་སྟོན་ལ་སོགས་པའི་རིག་གཞུང་ངོ་སྤྲོད་ཀྱི་ལས་རིམ་རབ་དང་རིམ་བ་སྤེལ་དང་སྤེལ་མུས་ཡིན་ཞེས་གསུངས་ཡོད།
ད་ཐེངས་བོད་ཀྱི་གློག་བརྙན་དུས་སྟོན་ཐེངས་ལྔ་པ་དེ་ཚོགས་དགོས་དོན་ནི་རྒྱ་གཞུང་གིས་བོད་ཀྱི་རིག་གཞུང་རྩ་མེད་བཟོས་དང་བཟོ་བཞིན་པ་དེ་ལ་ཁ་གཏད་གཅོག་ཆེད་དུ་དམིགས་པ་ཞིག་ཡིན་འདུག
དུས་སྟོན་དེའི་ཁོངས་སུ་བོད་ཀྱི་ཆབ་སྲིད་བཙོན་པའི་སྐོར་དང་། མཁན་ཟུར་རིན་པོ་ཆེ་ཞེས་པའི་བླ་ཆེན་ཞིག་མཛད་རྣམ། དེ་བཞིན་སྤྲུལ་སྐུ་ངོས་འཛིན་ཞུ་ཕྱོགས་སྐོར་སོགས་ཁྱོན་བོད་དོན་དང་འབྲེལ་བའི་གློག་བརྙན་མི་འདྲ་བ་ཁག་ ༢༠ ཙམ་སྟོན་བཞིན་ཡོད་འདུག་པ་བཅས། །