༢༠༡༡ ཟླ་ ༤ ཚེས་ ༢༩ རེས་གཟའ་པ་སངས།

༄༅། །ཕྱི་ལོ་ ༢༠༡༡ ཟླ་ ༤ ཚེས་ ༢༨ སྔ་དྲོ་༸གོང་ས་༸སྐྱབས་མགོན་ཆེན་པོ་མཆོག་ཉི་ཧོང་གི་རྒྱལ་ས་ཊོཀ་ཁྱོར་༸ཞབས་སོར་བདེ་བར་འཁོད་མཚམས་ཁྱུག་ཙམ་སྐུ་ངལ་གསོ་གནང་མཛད་རྗེས་རྒྱལ་ས་ཊོཀ་ཁྱོའི་ནང་རྟེན་གཞི་བྱས་པའི་གོ་ཀོ་ཀུ་ཇི་(Gokokuji) ནང་པའི་ལྷ་ཁང་དུ་ཆིབས་སྒྱུར་བསྐྱངས།

ལྷ་ཁང་དེའི་ནང་མགོན་པོ་གང་ཉིད་མཆོག་གིས་ཉི་ཧོང་དུ་འབྱུང་བའི་གོད་ཆག་འོག་འདས་གྲོངས་སུ་གྱུར་བ་རྣམས་ལ་ཐུགས་སྨོན་དང་རྗེས་ཤུལ་ནང་མི་སྤུན་མཆེད་རྣམས་ལུས་སེམས་ཀྱི་དཀའ་ངལ་ལས་མྱུར་དུ་གྲོལ་ཆེད་དང་།

འབྱུང་འགྱུར་འབྱུང་བའི་འཇིག་པ་དེ་རིགས་ཟློག་ཆེད་ཆུ་ཚོད་གཅིག་ཙམ་རིང་སྐུ་མཚམས་ཀྱིས་ཐུགས་སྨོན་རྒྱ་ཆེ་མཛད།

ཕྱི་ཚེས་ ༢༩ ཉིན་ཉི་ཧོང་མང་ཚོགས་ཀྱིས་འདས་པོ་རྣམས་ལ་དྲན་རྟེན་གྱི་སྨོན་ལམ་ཚོགས་འཚོགས་རྒྱུ་ཡིན་པ་མ་ཟད། སྨོན་ལམ་ཚོགས་ཉིན་དེ་བཞིན་ཞག་ཞེ་དགུ་དང་དུས་ཚོད་སྟབས་འཁེལ་བ་ཞིག་ཡིན་འདུག

ཕྱི་ཚེས་ ༣༠ ཉིན་༸གོང་ས་༸སྐྱབས་མགོན་ཆེན་པོ་མཆོག་ཉི་ཧོང་ནས་ཨ་རིར་ཆིབས་སྒྱུར་བསྐྱང་རྒྱུ་ཡིན་འདུག་པ་བཅས།།