༢༠༡༡ ཟླ་ ༣ ཚེས་ ༡༤ རེས་གཟའ་ཟླ་བ།

༅༅། །ཕྱི་ལོ་ ༢༠༡༡ ཟླ་ ༣ ཚེས་ ༡༣ ཉིན་བོད་མི་མང་སྤྱི་འཐུས་ལྷན་ཁང་གིས་ཉི་ཧོང་གི་སྲིད་བློན་སྐུ་ཞབས་ནཱའོ་ཊོ་ཀན་(H.E. Naoto Kan) མཆོག་ལ་ཉི་ཧོང་གི་མི་ཡ་གྷི་རང་སྐྱོང་(Prefecture of Miyagi)ཁུལ་དུ་ས་ཡོམ་དང་དེའི་རྐྱེན་པས་ཆུ་ལོག་ཚབས་ཆེ་བྱུང་སྟེ་མི་རྒྱུ་གཉིས་ལ་གོད་ཆག་བྱུང་བར་བློ་ཕམ་ཧ་ཅང་བྱུང་བའི་ཐུགས་གསོའི་འཕྲིན་ཡིག་ཅིག་གནང་ཡོད། དེ་ཡང་འཕྲིན་ཡིག་དེའི་ནང་ཉི་ཧོང་གི་མི་ཡ་གྷི་ཁུལ་དུ་མི་མང་སྟོང་ཕྲག་གི་ཚེ་སྲོག་ཤོར་ཡོད་པ་དང། རྒྱུ་དངོས་ཐོག་ཚད་ལས་འདས་པའི་གོད་ཆག་ཕོག་པར་བློ་ཕམ་ཆེན་པོ་བྱུང། དེ་བཞིན་སྤྱི་འཐུས་རྒྱུན་ལས་ཀྱིས་རྗེས་ཤུལ་ནང་མི་དང་སྤུན་ཉེ་རྣམས་རྐྱེན་ངན་དེ་ལས་མྱུར་དུ་གྲོལ་བའི་སྨོན་ལམ་དང་གདུང་སེམས་མཉམ་སྐྱེ་ཡོད་ཅེས་འཁོད་འདུག